Aktualitet

VD-“Ja ishim këtu...”/ Flet efektivja e plagosur tek vrasja e Pjerin Xhuvanit, ndërton skemën e ngjarjes

Xhensila Sota mbeti e plagosur nga të shtënat me armë ndërsa i vrarë mbeti Pjerin Xhuvani, por ende nuk dihet se ku qëlloi ndaj saj.

14 Qershor 2022, 13:03 Nga k.m.

VD-“Ja ishim këtu...”/ Flet efektivja e plagosur tek vrasja e

Xhensila Sota

ELBASAN- Dalin pamjet ku efektivja e forcave "Shqiponja", Xhensila Sota rikthehet në vendin ku ndodhi vrasja e Pjerin Xhuvanit. Xhensila Sota mbeti e plagosur nga të shtënat me armë ndërsa i vrarë mbeti Pjerin Xhuvani, por ende nuk dihet se ku qëlloi ndaj saj. Kështu që sot, një vit nga krimi, grupi hetimor është rikthyer në vendin e ngjarjes, ndërsa Xhensila Sota shihet duke shpjeguar të gjithë dinamikën e krimit të rëndë.

Nga dita e parë e ngjarjes e deri më sot, në burg ndodhet vetëm ish-efektivi i repartit RENEA, Arbër Paplekaj, akuza ndaj të cilit është provuar se ka qëlluar për vdekje në dretim të Pjerin Xhuvanit dhe dhëndrit të tij, Eltjon Bodinaku. Pamjet filmike të analizuara dhe ekspertizat e kryera ka rezultuar se Paplekaj është personi i veshur me bluzë të zezë me mëngë të shkurtra dhe në brez mban një çantë Marsup, nga e cila nxjerr dhe armën e zjarrit. Ai qëllon në këndin e drejtimit, duke pasur përballë Pjerin Xhuvanin si dhe punonjësen e policisë, e cila qëndron prapa një furgoni të forcave të rendit.

Ngjarja e rëndë e ndodhur në 21 prill 2020 tronditi qytetin e Elbasanit, pasi rreth orës 14:00, ish-efektivë policie dhe ish-efektivë ushtrie, bllokuan automjetin e shtetasit Mehmet Grejsi, i cili dyshohej nga PD se po shpërndante lekë dhe blinte votat në lagjen “5 Maji”. Bllokimi i automjetit dhe mbajtja përmes forcës dhe dhunës së Mehmet Grejsit, ka sjellë përdorimin e armëve, deri në ekzekutimin e Pjerin Xhuvanit dhe plagosjen e 4 personave të tjerë, përkatësisht Paulo Vuksani, Emiljano Prenga, Eltjon Bodinaku dhe Xhensila Sota. Kjo ngjarje ndodhi vetëm 4 ditë para zgjedhjeve parlamentare të 25 prillit, duke shënuar rastin më të rëndë të zgjedhjeve të kaluara.

xhensila sota pjerin xhuvani vritet pjerin xhuvani ekzekutohet pjerin xhuvani