Sport

Pique i nervozuar me median, në gjykatë për të mbrojtur imazhin e tij të dëmtuar!

Futbollisti i Barcelonës konsideron se disa informacione të fundit po njollosin imazhin, ndaj ai do t’i drejtohet gjykatës për shpifjet që bëhen kundër figurës së tij

14 Qershor 2022, 12:02 Nga DOSJA
Pique i nervozuar me median, në gjykatë për të mbrojtur
Gerard Piqué, qendërmbrojtësi i Barcelonës

SPANJE - “Me keqardhje konfirmojmë se po ndahemi. Për mirëqenien e fëmijëve tanë, të cilët janë prioriteti ynë kryesor, ju kërkojmë të respektoni privatësinë e tyre. Faleminderit për mirëkuptimin”,- thuhej në deklaratën e lëshuar nga Shakira dhe Gerard Piqué, më 4 qershor, e cila i dha fund zyrtarisht një lidhjeje 12-vjeçare mes këngëtares kolumbiane dhe futbollistit të Barcelonës.

Megjithatë, para ndarjes legale, thashethemet për një ndarje të dyshuar tashmë kishin filluar të qarkullonin në Spanjë. Madje, edhe pas deklaratës, fundi i lidhjes vazhdon të jape mundësi për të folur. Shumë janë informacione shpërndahen nga media, gazetarët dhe paparacët. Ka dëshmi kontradiktore dhe shumë thashetheme pa prova.

Nga ky uragan i thashethemeve, më i prekuri është pa dyshim lojtari i Barçës. Sipas informacioneve të fundit, Shakira kishte punësuar një agjenci detektivësh për të zbuluar pabesinë e Gerardit. Pra, shumë e tregojnë Piquen si të vetmin përgjegjës për ndarjen. Krahas kësaj do të kishte edhe të tjera pabesi të mbrojtësit të Barçës që ndodhën para, gjatë dhe pas pushimit.

Xherardi është kthyer në banesën e beqarisë dhe thonë, se ai i është përkushtuar vetëm festave. Siç tregojnë burimet e intervistuara nga ‘20minutes’, zemërimi i Piqué është i madh dhe synimi i tij është të mbrojë imazhin dhe integritetin e tij. Mbrojtësi katalan konsideron se disa nga informacionet e publikuara ditët e fundit, i njollosin nderin dhe e dëmtojnë rëndë imazhin e tij. Gerardi, shumë i mërzitur për situatën, ka vendosur të mbrohej në gjykatë, siç thonë nga ‘20minutes’.

B.T (Dosja.al)

Sondazh

Poll

MË SHUMË