Bota

Abazovic për CNN: Sanksionet na ndikojnë ekonominë por demokracia nuk ka çmim

Abazovic ju referua dhe sanksioneve ndaj Rusisë ku u shpreh se ato vërtet mund të ndikojnë në ekonominë e Malit të Zi por demokracia nuk ka çmim.

10 Qershor 2022, 13:04 Nga d.a
Abazovic për CNN: Sanksionet na ndikojnë ekonominë por demokracia
Dritan Abazovic

MAL I ZI- Kryeministri i Malit të Zi Dritan Abazovic u shpreh se forcat pro-ruse ende ekzistojnë në vend, por ato nuk e kanë forcën e mëparshme.

Gjatë një interviste për CNN, ai ju referua dhe sanksioneve ndaj Rusisë ku u shpreh se ato vërtet mund të ndikojnë në ekonominë e Malit të Zi por demokracia nuk ka çmim.

Abazovi tha se Mali i Zi po përpiqet të kontribuojë në vendosjen e paqes në Ukrainë, duke mbështetur aleatët e NATO-s dhe kundërshtuar fuqishëm agresionin rus.

“Është turp për njerëzimin që jemi dëshmitarë të një agresioni të tillë”, tha Abazovic.

Ai i bëri thirrje të gjitha vendeve që ta ndihmojnë Ukrainën, por gjithashtu vuri në dukje se e vetmja zgjidhje për t’i dhënë fund konfliktit është që të dyja palët të ulen dhe të bisedojnë.

Kryeministri tha se Mali i Zi, i cili ka dëshmuar ndikimin negativ rus në territorin e tij në të kaluarën, e kupton se si ndihen sot qytetarët e Ukrainës.

Abazovi theksoi se shteti malazez është një shembull i mirë se si të arrihet pavarësia, anëtarësimi në NATO dhe të jetë në rrugën drejt Bashkimit Evropian, duke ruajtur stabilitetin në shoqëri.

dritan abazovic

Sondazh

Poll

MË SHUMË