Politike

Butrinti/ Margariti: Shikoni ëndrra me kulla e hotele, s'do i kalojë privatit

Margariti deklaroi se në Butrint nuk do të ndërtohen kulla e hotele

9 Qershor 2022, 10:44 Nga A.B
Butrinti/ Margariti: Shikoni ëndrra me kulla e hotele, s'do i
Margariti

TIRANË- Ministrja e Kulturës, Elva Margariti deklaroi se në Butrint nuk do të ndërtohen kulla e hotele. Pas akuzave të bëra nga deputetja e Partisë Demokratike, Ina Zhupa për projektin, ministrja ripërsëriti edhe një herë se Butrinti nuk do t'i kalojë privatit.

' Diskutimi për këtë projektligj ka qënë i gjatë, disa kolegë të opozitës kanë ende pikëpyetje. Do të sqarojmë ata që kanë hapësira për sqarime, duan të ndezin disa llampushka të një publiciteti. Do e ripërsëris se dhe pas votimit, Butrinti do të jetë pronë e shtetit e nuk do i jepet asnjë privati. Ky fondacion i financuar nga ministria do të monitorohet nga ne për të kontrolluar fondacionin, në krye të fondacionit është bordi. Fondacioni funksionon sipas ligjit të OJF, duke hedhur poshtë cdo alibi. Cdo qindarke do të  mbetet në Butrint. 5 mln dollarë janë dhënë në formën e marrëveshjes së grantit. Ata që shikojnë ëndrra me kulla e hotele nuk do të ketë asnjë të këtij lloji, do parashikohet ngritja e një qendre dinjitoze. Do të sigurohet transport ekologjik, autobus e varka, që në vitin e parë duke filluar punën për të ndryshuar imazhin e Butrintit. Do të ketë shtim të punonjësve, do të ketë 110. Janë parashikuar grante për komunitetin, do të jepen për banorët me fokus promovimin e produktit vendas. Për herë të parë arka e Butrintit do të funksionojë në fondin e trashëgimisë kulturore. Më lejoni t'ju mërzis dhe një herë se plani ka 80 ekspertë dhe shqiptarë. Hapni takimin e bërë në Plaza që u transmetua live. 

Nuk po bëjmë asnjë ndarje me nënzona. Në lidhje me Manastirin e Shëngjergjit. Kjo zonë është larguar jashtë zonës së pasurisë botërore, është rishikuar së bashku me të gjithë parqet e tjera. Zona e Manastirit, janë disa pjesë që nuk plotësojnë zonën e mbrojtur. Butrinti për ne duhet të jetë lider në turizmin dhe në rajon. Do e kthejmë në karbon free, do të jetë për komunitetin.'-tha Margariti.

seance plenare 9 qershor 2022 elva margariti

Sondazh

Poll

MË SHUMË