Art&Argëtim

Spanja nderon aktoren Penelope Cruz për kontributin e saj në kinema

Juria e çmimit të Kinemasë Kombëtare 2022 ishte unanime në vendimin e saj për të nderuar yllin e lindur në Madrid, duke e përshkruar fituesen e Oscars si një "aktore ikonike, trashëgimia e shkëlqyer e së cilës pasuron trashëgiminë kulturore të Spanjës".

7 Qershor 2022, 17:14 Nga d.a
Spanja nderon aktoren Penelope Cruz për kontributin e saj në kinema
Penelope Cruz

SPANJË- Aktorja Penelope Cruz ka fituar një nga çmimet kryesore të filmit të Spanjës për kontributin e saj në kinemanë spanjolle, tha të hënën Ministria e Kulturës e vendit.

Juria e çmimit të Kinemasë Kombëtare 2022 ishte unanime në vendimin e saj për të nderuar yllin e lindur në Madrid, duke e përshkruar fituesen e Oscars si një "aktore ikonike, trashëgimia e shkëlqyer e së cilës pasuron trashëgiminë kulturore të Spanjës".

“E përkushtuar ndaj zanatit të saj, ajo kërkon përsosmëri në punën e saj, duke e lejuar atë të krijojë disa nga personazhet më të paharrueshëm në historinë e kinemasë sonë,”-thuhej në njoftim.

Njohja është shtimi më i fundit në listën e gjatë të vlerësimeve ndaj Cruz-it, nga një çmim Oscar për rolin më të mirë dytësorë në "Vicky Cristina Barcelona", te çmimet kryesore në Festivalin e Filmit në Kanë dhe Venecia për interpretimet e saj në "Volver" dhe "Nëna paralele".

Kryeministri i vendit Pedro Sanchez e uroi Cruzin menjëherë pas shpalljes së çmimit në një postim në Twitter.

"Ajo është mishërimi i kinemasë, si spanjolle ashtu edhe ndërkombëtare," shkroi Sánchez duke përmendur "talentin e saj të jashtëzakonshëm dhe performancat e jashtëzakonshme".

Fituesit e mëparshëm të çmimit përfshijnë aktorin Antonio Banderas dhe regjisoren Isabel Coixet.

Sondazh

Poll

MË SHUMË