Aktualitet

3,5 ton mariuhanë nga Shqipëria dhe arsenal armësh lufte, 5 të arrestuar në Itali

5 arrestime u kryen nga policia ku të dyshuarit, të gjithë të dënuar me burg për disa dekada gjithsej, akuzohen për pjesmarrje në grupet kriminale që synonin trafikun ndërkombëtar të drogës dhe për mbajtje të paligjshme të armëve luftarake.

3 Qershor 2022, 12:40 Nga DOSJA
3,5 ton mariuhanë nga Shqipëria dhe arsenal armësh lufte, 5
Policia italiane

ITALI- Disa ton drogë dhe 2 kallashnikovë u sekuestruan nga Guardia di Finanza e Katanias si pjesë e një hetimi për trafikun ndërkombëtar të drogës të koordinuar nga prokuroria dhe antodroga.

Sipas mediave vendase, 5 arrestime u kryen nga policia ku të dyshuarit, mes të cilëve dhe shqiptarë, të gjithë të dënuar me burg për disa dekada gjithsej, akuzohen për pjesmarrje në grupet kriminale që synonin trafikun ndërkombëtar të drogës dhe për mbajtje të paligjshme të armëve luftarake.

Ky është rezultati procedural përkatës i hetimeve komplekse, të kryera nga Njësia e Policisë Ekonomiko-Financiare, në lidhje me një shoqatë të ashpër kriminale, të përbërë nga subjekte nga Katania dhe shqiptarë, përgjegjës për furnizimin e sasive të mëdha të marijuanës të importuara nga Shqipëria dhe të destinuara për sheshet e shitjes në Katania, Sirakuzë dhe Raguzë.

Në veçanti, hetimet, të kryera nga njësitë e specializuara antidrogë të GICO, në sinergji me departamentet aeronavale të Korpusit (Grupi Aeronavale i Messinës dhe Stacioni Detar i Mesinës) kanë sekuestruar rreth 3.5 ton marihuanë, para cash dhe armë lufte të tipit kallashnikov.

Gjtiashtu u arrestuan në flagrancë 24 korrierë përgjegjës për po aq transaksione droge. Veprimtaritë e mëvonshme, të kryera në kuadër të bashkëpunimit ndërkombëtar me organin kolateral të policisë shqiptare dhe me bashkëpunimin e Interpolit, bënë të mundur gjithashtu t'i atribuohen shoqatës kriminale lëvizja e 4 ton lëndë narkotike shtesë.

Sondazh

Poll

MË SHUMË