Bota

Turisti holandez denoncon vjedhjen në Kretë, ja kishte marrë gruaja pasi ai kishte pirë shumë

Fakti që ai ishte nën efektin e alkoolit, bënte që ai të mos kujtonte as hotelin ku po qëndronte dhe me kë ishte!

3 Qershor 2022, 12:34 Nga DOSJA
Turisti holandez denoncon vjedhjen në Kretë, ja kishte marrë
Foto ilustruese

GREQI- Vjedhja e celularit dhe 400 eurove u denoncua të enjten në polici, nga një turist holandez 58-vjeçar, i cili ndodhej me pushime në Kretë, konkretisht në Chania.

Sipas mediave greke, fakti që ai ishte nën efektin e alkoolit, bënte që ai të mos kujtonte as hotelin ku po qëndronte dhe me kë ishte!

Autoritetet policore u mobilizuan dhe siç u zbulua pas një hetimi nga personat e Drejtorisë së Policisë së Aeroportit Chania, pas vjedhjes qëndronte vetë bashkëshortja e tij.

Sipas burimeve policore, çifti do të largohej nga ishulli, por burri ka pirë pak si shumë, gjë që solli nervozizmin dhe acarimin e gruas, e cila e ka lënë pa celular dhe pa para dhe ishte larguar nga ishulli. Sipas të njëjtave informacione, ajo ishte larguar një ditë para denoncimit të 58-vjeçarit.

Sondazh

Poll