Sport

Ciao Inter, Perisic: "Aventura ime përfundon këtu, një përvojë e paharrueshme!"

Kroati u thotë lamtumirë zikaltërve: “I nderuar që kam qenë pjesë e këtij klubi”, Tottenham së shpejti do ta zyrtarizojë marrëveshjen

31 Maj 2022, 16:23 Nga DOSJA
Ciao Inter, Perisic: "Aventura ime përfundon këtu, një

ITALI - Ivan Perisic i thotë lamtumirë Interit dhe e bën këtë me një mesazh të gjatë në kanalet e tij sociale: “Pas 254 ndeshjeve, 55 golave, 49 asistimeve, 3 trofeve dhe 18.934 minutave të kaluara në fushë me këtë fanellë të lavdishme, aventura ime te Inter përfundon këtu, - ka shkruar kroati. - Ishte një eksperiencë e paharrueshme, që më ka dhënë shumë mua si lojtar dhe gjithë familjes sime. Po largohem i nderuar që kam qenë pjesë e këtij klubi”...

"Edhe nëse çdo fund shënon një fillim të ri, është e rëndësishme të shikojmë prapa në këto vitet e kaluara dhe të ndaj me ju krenarinë time më të sinqertë për punën e bërë dhe qëllimet e arritura së bashku, - vazhdon mesazhi i lamtumirës. - Për ekipin, për stafit, për të gjithë punonjësit, por mbi të gjitha për fansat: ju do të keni gjithmonë një vend të veçantë në zemrën time".

Karriera e Perisic do të vazhdojë në ‘oborrin’ e Antonio Contes, ku anësori në fakt tashmë ka nënshkruar një marrëveshje me Tottenhamin deri në vitin 2024, për të cilën pritet vetëm zyrtarizimi nga klubi londinez.

B.T (Dosja.al)

Sondazh

Poll

MË SHUMË