Sport

Çfarë nuk u pa në kaosin e finales së Champions League, bandat franceze në veprim; Na jepni 50 euro...

Finalja e Champions League nuk do të mbahet mend vetëm për atë që ndodhi në fushën e lojës, por edhe për shkak se ndeshja nisi me vonesë

30 Maj 2022, 20:52 Nga DOSJA

Çfarë nuk u pa në kaosin e finales së Champions League,

PARIS- Finalja e Champions League nuk do të mbahet mend vetëm për atë që ndodhi në fushën e lojës, por edhe për shkak se ndeshja nisi me vonesë. Në fillim u fol për një zgjedhje të thjeshtë për arsye të rendit publik dhe për të garantuar hyrjen e të gjithë tifozëve jashtë por me kalimin e minutave nga portat jashtë stadiumit filluan të mbërrijnë pamjet e tmerrshme: radhë shumë të gjata, tifozë të pajisur me një biletë, viktima të sprejit spërkatur nga policia, edhe ndaj fëmijëve, dhe gaz lotsjellës ndërsa të tjerët pa biletë iu larguan kontrolleve duke arritur të ndjekin ndeshjen.

Një nga temat që po bëhet gjithnjë e më e dukshme dhe që nuk është parë i referohet bandave franceze që ndodheshin jashtë stadiumit. Në një video, reporteri i BBC Neës Nick Parrot shpjegoi shumë mirë se çfarë ndodhi në Paris para finales: "Kam hasur në këtë problem në mënyrë të përsëritur ndërsa përpiqesha të hyja në stadium mbrëmë. Policia ka mbyllur portat duke mbajtur jashtë tifozët me bileta. Policia ose nuk dinte si ta trajtonte ose nuk donte."

Sipas shumë dëshmive, këto banda lokale vepronin edhe duke vjedhur bileta, celularë dhe gjithçka tjetër. Sipas disa raportimeve këto hajdutë qëndronin nën tunele dhe në rrugë me më pak ndriçim rreth stadiumit për të grabitur tifozët. Kjo është dëshmi që hedh poshtë narrativën e ndërtuar nga UEFA dhe autoriteteve franceze, të cilët u përpoqën menjëherë të fajësonin tifozët e ardhur me vonesë ose me bileta false.


Pesë tifozë të Real Madridit thanë për 20minutos.es se sapo lanë makinën e tyre në parking u afruan një grup djemsh vendas: "Ju nuk e dini se ku po parkoni," dhe na kërkuan 50 euro për ruajtjen e makinës.Duhej të ishte një festë e madhe sportive dhe u bë ferr për të gjithë.


E.Ç (Dosja.al)

5720 5718

Sondazh

Poll

MË SHUMË