Sport

Jo vetëm Lewandowski! Bayern Munich e bleu për 40 milionë euro, ylli i skuadrës largohet me parametra zero

Aventura e Corentin Tolisso te Bayern Munich ka arritur zyrtarisht në fund

30 Maj 2022, 16:46 Nga DOSJA

Jo vetëm Lewandowski! Bayern Munich e bleu për 40 milionë euro,

GJERMANI-Aventura e Corentin Tolisso te Bayern Munich ka arritur zyrtarisht në fund. Me një deklaratë zyrtare, klubi bavarez bëri të ditur se mesfushori 27-vjeçar do të largohet më 30 qershor kur i përfundon kontrata. "Pas pesë vitesh të suksesshme së bashku, Corentin Tolisso do të largohet nga Bayern Munich këtë verë. Faleminderit për gjithçka Coco!".

Palët kanë biseduar për një kohë të gjatë në përpjekje për të gjetur një mirëkuptim, por pa arritur një marrëveshje. I ardhur në vitin 2017 nga Lyon për 40 milionë euro, francezi ka luajtur 118 ndeshje në të gjitha kompeticionet me fanellën e Bayern Munich, 21 gola dhe 15 asistime, duke fituar 13 trofe: një Champions League, një Kupë Bote për klubet, 5 Bundesliga, 2 Kupa të Gjermanisë dhe 4 Superkupa të Gjermanisë. Ish-portieri dhe tani CEO i Bayern Munich, Oliver Kahn, e përshëndeti mesfushorin francez përmes faqes zyrtare të klubit.

"Corentin Tolisso është pjesë e ekipit tonë prej pesë vitesh, duke shkruar histori. E falënderojmë për sukseset dhe angazhimin e tij dhe i urojmë gjitha të mirat në të ardhmen". Eksperienca te Bayern Munich u kushtëzua nga problemet fizike që e penguan Tolisson të shprehej maksimalisht, si në rastin e këputjes së ligamentit në vjeshtën e vitit 2018. Probleme që francezi i ka kapërcyer dhe që tani dëshiron t'i lërë përgjithmonë pas.

E.Ç (Dosja.al)

599321 5717

Sondazh

Poll

MË SHUMË