Sport

Akuza midis Anglisë dhe Francës, prag 'krize diplomatike' pas kaosit të finales në “Stade de France”

Qeveria britanike kërkon një hetim zyrtar dhe autoritetet franceze akuzojë tifozët e Liverpoolit. Në prag të nisë një krizë diplomatike

30 Maj 2022, 16:31 Nga DOSJA
Akuza midis Anglisë dhe Francës, prag 'krize diplomatike'

ANGLI - Kaosi organizativ i përjetuar para dhe pas finales së Champions League në Saint-Denis, që shkaktoi një vonesë prej 37 minutash në fillimin e ndeshjes, kërcënon të hapë një krizë diplomatike mes Francës dhe Anglisë. 

Nga Londra kërkojnë hetim zyrtar për zbardhjen e fakteve, ndërsa nga Parisi ministri i Brendshëm, Gerald Darmanin, fajëson drejtpërdrejt tifozët e Liverpoolit për atë që ndodhi. Klubi “Reds”, të shtunën ka protestuar ndaj trajtimit të tifozëve të tij nga forcat e sigurisë dhe policia e pushtuar nga kaosi i përjetuar në hyrjet e stadiumit.

"Ne dënojmë çorganizimin, ku 30.000 deri në 40.000 tifozë britanikë pa bileta, ose me bileta të falsifikuara mbërritën në “Stade de France”. Është krijuar një mashtrim masiv, në shkallë industriale dhe i organizuar i biletave të falsifikuara,"- shpjegoi Darmanin.

As shefja e sporteve, Amélie Oudéa-Castéra, nuk dha shpjegime për përhapjen e grupeve të organizuara të dedikuara për të grabitur dhe sulmuar tifozët e Liverpool dhe Real Madrid para dhe pas ndeshjes. Darmanin i vinte keq, po, që disa oficerë policie përdorën gaz lotsjellës "në mënyrë të panevojshme dhe në mënyrë disproporcionale". Kaosi i përjetuar në Saint-Denis është një goditje për prestigjin e Francës dhe vë në pikëpyetje kapacitetin organizativ të Parisit, mikpritës i Lojërave Olimpike të vitit 2024.

"Ne e dimë se shumë tifozë të Liverpool udhëtuan në Paris në kohë për të mbështetur ekipin e tyre, në një nga ndeshjet më të mëdha të sezonit dhe ne jemi shumë të zhgënjyer me mënyrën se si u trajtuan,"- tha një zëdhënës i Downing Street, rezidenca zyrtare e kryeministrit Johnson Boris. “Tifozët meritojnë të dinë se çfarë ndodhi, prandaj ne i bëjmë thirrje UEFA-s që të punojë ngushtë me autoritetet franceze në një hetim të plotë” dhe që “gjetjet e tyre të publikohen”,- shtoi zëdhënësi zyrtar britanik.

“Pikërisht për këtë kemi nevojë për një hetim të plotë për atë që ndodhi”,- këmbënguli zëdhënësi, duke shtuar se UEFA e arsyetoi vonesën e ndeshjes me ardhjen e vonuar të tifozëve. "Kjo nuk është në përputhje me përvojën e shumë njerëzve që ishin jashtë stadiumit, kështu që ne kemi nevojë për një hetim të plotë për të arritur në fund të asaj që ndodhi."

B.T (Dosja.al)

Sondazh

Poll

MË SHUMË