Sport

Real Madrid, mbret i Europës! 14 Champions në histori, Vinicius thyen Liverpool

28 Maj 2022, 23:02 Nga DOSJA

Real Madrid, mbret i Europës! 14 Champions në histori, Vinicius thyen

PARIS-Real Madrid kurorëzohet për herë të 14-të kampion i Europës. Skuadra madrilene triumfoi me shifrat 1-0 ndaj Liverpool. Një pjesë e parë që do të fliste për skuadrën angleze. Në minutën e 16', Salah shkoi pranë golit, por Courtois e ndalon duke e devijuar me saktësi topin.

Pas tri minutash, Alexander-Arnold kishte mundësinë të tentonte portën pas një hapësire që u krijua në zonë, por pa mundur të shënonte. Rasti më ideal do ishte i minutës së 21-të, kur goditja e Manes, ndalet fillimisht nga Courtois dhe më pas topi përfundoi në shtyllë. Real Madrid u shfaq vetëm një herë në portë kur Karim Benzema ia doli të shënonte por francezi ndodhej në pozicion jashtë loje.

Në pjesën e dytë, do të ishte përsëri Liverpool që do të sulmonte, por Real Madrid tregohet cinik kur në një kundërsulm shënon me Vinicius Junior. Liverpool nuk hoqi dorë nga sulmet por Courtois ishte në ditë të mirë duke ndalur tentativat e Firminos dhe Salah. Në fund Real Madrid ngre në qiellin e Parisit trofeun më të lakmuar për klube.

E.Ç (Dosja.al)

5720

Sondazh

Poll

MË SHUMË