Bota

Braktisi shkollës për pasionin ndaj matematikës, 25-vjeçari është miliarderi i ri në botë

Scale AI, kompania e Wang, e krijuar gjashtë vite më parë, me bazë në San Francisko ka tashmë tre kontrata me vlerë 110 milionë dollarë për të ndihmuar Forcat Ajrore dhe Ushtrinë Amerikane të përdorin inteligjencën artificiale (AI).

26 Maj 2022, 14:30 Nga DOSJA
Braktisi shkollës për pasionin ndaj matematikës,
Alexandr Wang

SHBA- Si fëmijë, Alexandr Wang ishte një mjeshtër në matematikë që pëlqente të merrte pjesë në garat kombëtare të saj dhe kodimit. Në moshën 25-vjeçare, ai është miliarderi më i ri në botë dhe kompania e tij përdor inteligjencën artificiale për të analizuar se sa dëme po shkaktojnë bombat ruse në Ukrainë.

Sipas Forbes, Scale AI, kompania e Wang, e krijuar gjashtë vite më parë, me bazë në San Francisko ka tashmë tre kontrata me vlerë 110 milionë dollarë për të ndihmuar Forcat Ajrore dhe Ushtrinë Amerikane të përdorin inteligjencën artificiale (AI).

Teknologjia e Scale AI punon shumë më shpejt se analistët njerëzorë për të ekzaminuar imazhet satelitore dhe është e dobishme jo vetëm për ushtrinë. Mbi 300 kompani, si Flexport dhe General Motors, përdorin Scale për të ndihmuar në marrjen e informacionit nga të dhënat e papërpunuara, si p.sh., pamjet e papërpunuara nga makinat që drejtojnë vetë ose miliona dokumente.

“Çdo industri mbështetet në sasi të mëdha të dhënash. Qëllimi ynë është t'i ndihmojmë ata të zhbllokojnë potencialin e të dhënave dhe të mbushin bizneset e tyre me AI."- tha Alexandr Wang për Forbes. 

Ai e kishte nisur kompaninë në moshën 19-vjeçare dhe tani, pas një raundi financimi prej 325 milionë dollarësh vitin e kaluar, e vlerësoi Scale AI në 7.3 miliardë dollarë, thuhej në raportin e Forbes. Në të, aksionet e vlerësuara prej 15 për qind të Wang-ut kap vlerën e rreth 1 miliard dollarë, duke e bërë atë miliarderin më të ri në botë të bërë vetë.

Prindërit e Wang ishin fizikanë dhe punonin në projekte armësh për ushtrinë amerikane. Kur ishte në shkollë, ai kishte marrë kodimin në Quora, kur takoi Lucy Guo dhe më vonë vazhdoi të krijoi Scale AI me të.

 "U thashë prindërve të mi se do të ishte një gjë që do ta bëja për verën. Natyrisht, nuk u ktheva kurrë në shkollë."-përfundoi ai.

(d.a/dosja.al)

Sondazh

Poll

MË SHUMË