Bota

Kancelari gjerman: Bota është në një pikë kritike

Ai u shpreh se lufta ishte e papritur, por theksoi se mundësitë që Rusia të sundojë mbi Ukrainën janë shumë më të vogla në dallim me ato që priteshin më para.

26 Maj 2022, 11:56 Nga DOSJA
Kancelari gjerman: Bota është në një pikë kritike
Olaf Scholz

GJERMANI-Kancelari gjerman Olaf Scholz ka paralajmëruar gjatë fjalimit të tij në Forumin ekonomik Botëror në Davos se Europa dhe komuniteti ndërkombëtar janë në një pikë kritik.

"Bota është në një pikë kthese, jo vetëm që Ukraina është në rrezik, por edhe sistemi i bashkëpunimit ndërkombëtar që u krijua pas dy luftërave botërore"-tha ai.

Sipas CNN, ai u shpreh se lufta ishte e papritur, por theksoi se mundësitë që Rusia të sundojë mbi Ukrainën janë shumë më të vogla në dallim me ato që priteshin më para.

Scholz u shpreh se Moska ka dështuar në objektivat e saj ushtarake deri më tani, por ka arritur të bashkojë komunitetin ndërkombëtar dhe të përparojë shpejt planin e Ukrainës për t'u bashkuar me Bashkimin Europian.

"Ne nuk mund ta lëmë Putinin ta fitojë këtë luftë dhe besoj me vendosmëri se ai nuk do ta fitojë atë,"-tha Scholz.

(j.c)/dosja.al 

 

Sondazh

Poll

MË SHUMË