Bota

Sulmi në Teksas, policia: U mbyll me fëmijët në klasë dhe filloi t'i qëllonte

Drejtori i Departamentit të Sigurisë Publike, Steve McGraë ka thënë se ai ka qëndruar rreth 40 minuta në klasë deri në momentin kur policia e ka qëlluar.

26 Maj 2022, 11:09 Nga DOSJA
Sulmi në Teksas, policia: U mbyll me fëmijët në klasë
Sulmi në Teksas

SHBA- Sulmi në Teksas ka tronditur të gjithë ndërkohë që po dalin në dritë më shumë informacione sesi autori adoleshent i dha fund jetës së 19 fëmijëve dhe dy mësueseve.

Sipas Proto Themas, Christopher Olivarez një zyrtarë i Departamentit të Sigurisë Publike të Teksasit ka thënë se 18-vjeçari Salvador Ramos besohet se pasi kishte vrarë gjyshën e tij ishte drejtuar drejt shkollës.

Thuhet se ai hyri shpejt në një klasë, mbylli derën dhe filloi të qëllonte mbi nxënësit dhe mësuesen.

“Të gjithë të vrarët ishin në të njëjtën klasë," -tha Christopher Olivarez.

Drejtori i Departamentit të Sigurisë Publike, Steve McGraë ka thënë se ai ka qëndruar rreth 40 minuta në klasë deri në momentin kur policia e ka qëlluar.

Një dëshmitar që jetonte jashtë shkollës tha se turma po i lutej oficerëve të policisë që të bënin diçka pasi u dëgjuan të shtëna nga brenda ndërtesës. Pas të shtënave të para në shkollë, policia e zonës Uvalde, policia e shtetit dhe agjentët e Shërbimit të Rojës Kufitare, janë nisur drejt shkollës.

Vetëm katër nga ata 80 agjentë hynë në ndërtesë dhe vranë 18-vjeçarin Ramos.

(j.c)/dosja.al 

Sondazh

Poll

MË SHUMË