Bota

Ndërron jetë ish-kryeministri Italian, Ciriaco De Mita

De Mita vdiq në një shtëpi të moshuarish në Avellino.

26 Maj 2022, 08:58 Nga DOSJA
Ndërron jetë ish-kryeministri Italian, Ciriaco De Mita
Ciriaco De Mita

ITALI- Ish-kryeministri italian Ciriaco De Mita ka ndërruar jetë në moshën 94 vjeçare. Mediat italiane raportojnë se De Mita vdiq në shtëpinë e të moshuarve Villa dei Pini.

Nënkryetari i bashkisë, Walter Vigilante njoftoi vdekjen e Ciriaco De Mita. Prillin e kaluar, gjendja shëndetësore e De Mitës kishte ngjallur shqetësim, pasi ai u shtrua në spitalin Moscati në Avellino për ishemi. Në shkurt 2022, ai u shtrua në spitalin Moscati, për t'iu nënshtruar një operacioni.

Karriera politike e Ciriaco De Mita, president i Këshillit dhe i DC

I lindur në Nusco, më 2 shkurt 1928, Ciriaco De Mita, pasi u diplomua në Liceo Classico për Drejtësi në Universitetin Katolik të Zemrës së Shenjtë në Milano, punoi në zyrë ligjore. Në vitin 1953 filloi karrierën e tij politike: u bashkua me rrymën "Bazë e Majtë" dhe në vitin 1956 zgjidhet këshilltar kombëtar i Demokristianëve. 

Ai u quajt në mënyrë kritike kumbari i DC dhe njeriu i detyrës së dyfishtë (sekretar i DC dhe kryeministër). Ndër eksponentët kryesorë të të ashtuquajturës Republikë e Parë, ai indirekt pati një ndikim të fortë në të gjithë jetën politike të viteve në vijim. De Mita ishte përgjegjës për emërimin e Romano Prodit si këshilltar i tij ekonomik dhe më pas president i IRI -së duke nisur karrierën e tij politike. De Mita shërbeu si kryeministri i 47-të i Italisë.

(A.B)/Dosja.al

Sondazh

Poll

MË SHUMË