Politike

Diaspora/ KQZ: Duhet kod zgjedhor.PS dakort, Opozita: Rrezik vjedhjeje e dalje të dhënash

Ndërsa ambasadorja e Shtetece të Bashkuara të Amerikës tha se vota e diasporës ishte diçka që duhej bërë patjetër. Ajo tha se zgjedhjet e 25 prillit 2021 ishin të mira, por jo perfekte, duke shtuar se në lokalet e 2023-shit pret përmirësime.

24 Maj 2022, 13:14 Nga DOSJA
Diaspora/ KQZ: Duhet kod zgjedhor.PS dakort, Opozita: Rrezik vjedhjeje e dalje
Ilirjan Celibashi, Yuri Kim, Damian Gjiknuri, Monika Kryemadhi, Pandeli Majko dhe Enkelejd Alibeaj

TIRANË- Komisioni Qendror i Zgjedhjeve ka dhënë dritën jeshilë për votimin nga Diaspora. Në Konferencën Kombëtare “Votimi nga jashtë, koha është tani”, kreu i KQZ-se, Ilirjan Celibashi tha se duhet të miratohet një kod zgjedhor vetëm për votimin nga jashtë. Për këtë gjë, Celibashi tha se duhet të ketë ketë një dakortësi nga të gjitha palët politike. Celibashi shtoi se brenda vjeshtës së vitit 2023 duhet të jetë gati procesi për votimin e emigrantëve nga jashtë vendit. Opozita e maxhoranca që ishin gjithashtu në të njëjtën konferencë ranë dakort, por me kërkesa të ndryshme.

Deputeti i Partisë Demokratike Enkelejd Alibeaj ishte kundër votimit me postë, për shkak se nuk ishte garanci. Ai tha se vota e shqiptarëve vidhet këtu e jo më kur ndodh jashtë vendit. Ndërsa kryetarja e Lëvizjes Socialiste për Integrim, Monika Kryemadhi kërkoi që të jepen më shumë detaje. Ajo tha se duhet të dihet nëse do të ketë një zonë zgjedhore për diasporën, apo vota e një shqiptari që ndodhet jashtë vendit do t’i përgjigjet qytetit ku ai është regjistruar në Shqipëri. Referuar patronazhistëve, Kryemadhi tha se mund të ketë një publikim edhe me të dhënat e emigrantëve, siç ndodhi në Shqipëri, gjë të cilës i druhet.

Sekretari i Përgjithshëm i PS-së Damian Gjiknuri tha se maxhoranca është e gatshme për dakordësi, madje për Reformë Zgjedhore, duke ftuar palët që të ulen në tryezë për këtë çështje. Ndërsa Pandeli Majko mendon se çështja nuk është më në duart e politikës, por të Komisionit Qendror të Zgjedhjeve. Ndërsa ambasadorja e Shtetece të Bashkuara të Amerikës tha se vota e diasporës ishte diçka që duhej bërë patjetër. Ajo tha se zgjedhjet e 25 prillit 2021 ishin të mira, por jo perfekte, duke shtuar se në lokalet e 2023-shit pret përmirësime. Kim shtoi se SHBA do të vazhdojë të mbështesë reformat në Shqipëri.

(F.m/dosja.al)

Sondazh

Poll

MË SHUMË