Sport

Liverpool dhe fanela më e shtrenjtë në histori, kriptovalutat futen në lojë…

“The Reds” synojnë të arrijnë një marrëveshje që i kalon 70 milionët në sezon që Real Madridi merr nga marrëveshja me ‘Emirates’.

20 Maj 2022, 11:40 Nga DOSJA

Liverpool dhe fanela më e shtrenjtë në histori, kriptovalutat

ANGLI - Liverpooli i ka kaluar 12 vitet e fundit me bankën ‘Standard Chartered’ të stampuar në fanelën e tij, një biznes që, në sezon, i sjell atij rreth 46 milionë euro dhe që mund të dyfishohet nga viti 2023.

Është në qershor 2023 kur skadon kontrata aktuale, që ‘Reds’ kanë nënshkruar me bankën britanike dhe e cila zëvendësoi markën e birrës ‘Carlsberg’ në vitin 2010. Herën e fundit që u rinovua marrëveshja ishte në maj 2018, vetëm pak ditë para finales së Champions League, që Liverpool humbi kundër Real Madridit në Kiev dhe shifra që u hodh në tavolinë ishte 40 milionë paund (46 milionë euro).

Tani kjo shumë parash mund të rritet në 80 milionë paund (94 milionë euro). Kjo do të tejkalojë edhe marrëveshjen që Real Madrid ka me kompaninë ajrore ‘Emirates’ dhe që raporton çdo vit më shumë se 70 milionë euro në arkat e klubit ‘los blancos’.

Kriptovalutat mund të mbajnë çelësin e këtij 'marrëveshjeje' të re. Liverpool ka marrë oferta nga një platformë 'blockchain' kriptomonedhash për të stampuar emrin në fanelën e tyre. Kjo do të ishte një marrëveshje e paprecedentë në Premier League, ku ka skuadra që tashmë kanë kontrata me këtë lloj biznesi, por asnjëra nuk ka arritur në pikën që të shfaqet si sponsor kryesor në fanela.

Aston Villa, Arsenal, Everton, Manchester City, Everton dhe Leeds United kanë kompani të kriptomonedhave në portofolin e tyre të sponsorizimit, si dhe një Crystal Palace që mori refuzim nga tifozët e tij, të cilët i përshkruan këto kompani si "parazitë", kur nënshkruan me një të tillë.

Marrëveshja e mundshme mes Liverpoolit dhe kriptovalutave, do t'i nënshtrohej opinionit publik, me një masë sociale si ajo e 'Reds' mjaft kritike ndaj veprimeve të klubit kur ata kuptojnë se këto nuk janë të ligjshme. Rasti më i qartë ishte ai i Superligës europiane dhe se si tifozët e “Anfield” protestuan kundër themelimit të saj deri në atë pikë sa i detyronin ata të dorëzoheshin.

B.T (Dosja.al)