Sport

VD/ Kampioni i botës, Tyson Fury godet një taksi, endet i dehur nëpër rrugët e Kanës

Boksieri, duke u lëkundur në rrugë për shkak të efekteve të alkoolit, ka reaguar ndaj refuzimit të taksistit duke goditur mjetin

20 Maj 2022, 06:39 Nga DOSJA
VD/ Kampioni i botës, Tyson Fury godet një taksi, endet i dehur

FRANCE - Kampioni i botës, Tyson Fury, është me pushime me familjen e tij në jug të Francës, ku përveçse ka treguar stilin e tij luksoz të jetesës në një jaht të shtrenjtë, ai është fiksuar në disa imazhe shembullore. 

Kampioni i peshave të rënda sulmoi dhunshëm një taksi që nuk pranoi ta merrte për shkak të gjendjes së dehur në të cilën ndodhej boksieri.

Fury, i veshur me një bluzë të bardhë dhe pantallona të shkurtra, pengohet nëpër rrugët e Kanës, i ndihmuar nga babai i tij, derisa mbështetet pas taksisë dhe përpiqet të hapë derën e pasme pa sukses. 

Ndërkohë drejtuesi i mjetit, duket se u shpjegon të pranishmëve se boksieri nuk arrin të futet në automjet për shkak të efekteve të alkoolit të pirë. Pikërisht atëherë Tyson fillon të godasë makinën, një akt i imituar edhe nga disa nga miqtë që ishin aty.

Të nesërmen, Fury postoi një video në rrjetet e tij sociale teksa vraponte nëpër rrugë, i shoqëruar sërish nga babai i tij. Të dy pranuan se kishin pasur një natë të vështirë. "Birrë e fortë, apo jo?" i komenton Tyson babait të tij...

Pas ndeshjes kundër Dillian Whyte, Fury pohon se tashmë është tërhequr nga boksi. Megjithatë, presidenti i WBC-së, Mauricio Sulaiman, ka deklaruar se ai nuk do të detyrohet ende ta dorëzojë titullin e tij.

B.T (Dosja.al)

Sondazh

Poll

MË SHUMË