Politike

Rama sulmon Metën: Rrushi shesh rrushin e piqet, na trashëgoi influencën në administratë

Kryeministri tha më tej se është distancuar nga influenca mbi mësuesit, infermierët e mjekët.

16 Maj 2022, 19:25 Nga DOSJA
Rama sulmon Metën: Rrushi shesh rrushin e piqet, na trashëgoi
Edi Rama

TIRANË- Kryeministri Edi Rama ka sulmuar Lëvizjen Socialiste për Integrim gjatë kohës që drejtohej nga Presidenti Ilir Meta. Teksa çeli garën për krerët e degëve, Rama tha se ishte aleati që u trashëgoi dhe kontrollin mbi administratën, referuar LSI-së. Por, kryeministri tha më tej se është distancuar nga influenca mbi mësuesit, infermierët e mjekët.

“Për hir të së vërtetës në një pjesë të madhe kemi arritur ta mbajmë qëndrueshmërinë ë administratës duke e larguar partinë nga influenca në vendimmarrje. Ka vazhduar dhe për shkak të aleatit tonë. Më parë ne nuk kemi pasur gjë në dorë për shkak të aleatit që kishim në koalicion dhe për shkak se rrushi pa rrushin dhe u poq. Sidoqoftë ne e kemi larguar nga influenca gjithë trupën e mësuesve, trupën e infermierëve sepse për trupën e mjekëve gjithsesi nuk ka qenë një sfidë e njëjtë si me rastet e tjera. Kemi larguar nga duart e partisë dhe influenca e partisë policinë e shtetit, trupën e mësuesve, kemi larguar trupën e infermierëve. Kemi respektuar më shumë se çdo tjetër të gjithë ngrehinën e administratës publike. Pavarësisht rasteve sporadike jemi në një situatë qëndrueshmërie ku faktikisht ndikimi i pamundësisë për të ndërhyrë e bën edhe më të pakuptimtë dhe të kotë dhe dëmtues rolin e atyre kryetarë të partisë që i ka mbetur ora po atje,”- tha Rama ndër të tjera.

Krerët e degëve u shkarkuan në Kongresin e Partisë Socialiste që u mbajt më 9 prill. Ishte Rama ai që tha se do të ngrihet një Komision i Posaçëm Zgjedhor që do të bëjë përzgjedhjen e zëvendësuesve. Dera është e hapur edhe për ata jashtë forumit të Asamblesë Kombëtare.

(F.m/dosja.al)

 

Sondazh

Poll

MË SHUMË