Sport

Skuadra më e dobët në Europë, lojtarë me kohë të pjesshme dhe probleme financiare; 1 pikë në 44 javë

Kampionati për skuadrën e Dover Athletic më në fund ka përfunduar. Kalvari i një ekipi që është në mënyrën e vet një rekord në nivel evropian dhe ndoshta botëror.

16 Maj 2022, 15:00 Nga DOSJA

Skuadra më e dobët në Europë, lojtarë me kohë

ANGLI- Kampionati për skuadrën e Dover Athletic më në fund ka përfunduar. Kalvari i një ekipi që është në mënyrën e vet një rekord në nivel evropian dhe ndoshta botëror. Një rekord që asnjë lojtar apo tifoz nuk do të dëshironte ta arrinte. Skuadra që militon në Kategorinë e Pestë të futbollit anglez e përfundoi sezonin në vendin e fundit.

Bardhezinjtë në fakt kanë grumbulluar vetëm 1 pikë në 44 javë kampionat, duhet përmendur edhe një dënim me -12 pikë vendosur nga Federata për probleme financiare. Statistikat, në veçanti, janë vërtet makth: vetëm 2 fitore dhe 35 humbje, gjithsej 101 gola të pësuar.

Dover luajti dhe nuk fitoi kurrë një ndeshje për 364 ditë përpara se të mundte mrekullisht Eastleigh janarin e kaluar para 486 tifozëve. “Pashë Doverin të fitonte” shkruhej në bluzat e një grupi të guximshëm tifozësh. Një kënaqësi e vogël që u përsërit vetëm në mars me ndeshjen po aq të bujshme 2-1 jashtë fushe në Boreham Wood.

Vështirësitë financiare të Dover filluan me shpërthimin e pandemisë. Sot futbollistët janë të gjithë me kohë të pjesshme dhe bëjnë punë të tjera me kohë të plotë në mësimdhënie apo ndërtim. Portieri rezervë Alexis Andre Jr është një gjysmë yll i Instagram dhe Tik Tok, ndërsa mbrojtësi Sam ëood është i famshëm për interpretimin e një reklame.

"Ishte e vështirë të vazhdosh stërvitjen duke ditur se duhet të humbasësh çdo herë," rrëfeu kapiteni Hansen. Vitin e ardhshëm, Dover do të rifillojë nga një ligë më e përshtatshme për aftësitë financiare të klubit, me shpresën se të shohësh skuadrën të fitojë nuk do të jetë një mrekulli.

E.Ç (Dosja.al)

3562

Sondazh

Poll

MË SHUMË