Sport

Real Madrid-Mbappé: marrëveshja është ‘firmosur’ javën e kaluar…

16 Maj 2022, 11:37 Nga DOSJA

SPANJE - Kylian Mbappé e ka vendosur tashmë të ardhmen e tij. Ai e tha këtë në galën e futbollit francez, të mbajtur mbrëmjen e së dielës. Sipas shtypit spanjol, e ardhmja e yllit francez kalon përmes Real Madridit.

Sulmuesi dhe Real Madrid e mbyllën marrëveshjen javën e kaluar. Ata vulosën gjithçka që u fol në muajt e fundit, ato në të cilat Mbappe ka marrë lloj-lloj presionesh, duke filluar nga ato të ushtruara nga drejtuesit e klubit të tij, nga tifozët dhe duke përfunduar nga politikanët me Macron në krye.

E hëna dhe e marta e javës së kaluar, që përkonin me vizitën e Mbappes në Madrid, ishin ditët kur gjithçka u qartësua dhe të gjitha dyshimet u zbardhën. José Ángel Sánchez, drejtori i përgjithshëm i Real Madrid, mori përgjegjësinë, duke lënë mënjanë çështje të tjera që ai kishte planifikuar të mbyllte gjatë atyre ditëve.

Marrëveshja e arritur garantoi 'Po'-në e Mbappes, mjedisi i të cilit kërkoi edhe një herë kujdes deri në përfundimin e angazhimeve me PSG. "Duhet të respektojmë të gjitha palët e përfshira. Edhe unë nxitoj, por nuk ka të bëjë vetëm me mua. Ka mbaruar, kanë mbetur vetëm pak detaje, por ka mbaruar",- tha francezi në gala të futbollit francez.

Real Madridi pret që vetë lojtari të konfirmojë se koha e tij te PSG ka përfunduar dhe se dëshira e tij për të luajtur për skuadrën madrilene do të realizohet që nga 1 korriku. Kontrata që Mbappe do të nënshkruajë do të jetë pesëvjeçare. Paga që do të marrë do të jetë shumë larg asaj që kanë vënë në tavolinë në Paris.

B.T (Dosja.al)