Sport

E diela më e gjatë për Milanin dhe Interin, diçka e tillë nuk kishte ndodhur për 57 vjet

Do të jetë fusha që do të thotë nëse kjo do të jetë e diela vendimtare, por ndërkohë duhet thënë, sprinti për titullin kampion ka arritur në metrat e fundit.

15 Maj 2022, 13:17 Nga DOSJA
E diela më e gjatë për Milanin dhe Interin, diçka e
Inter dhe Milan

ITALI- Do të jetë fusha që do të thotë nëse kjo do të jetë e diela vendimtare, por ndërkohë duhet thënë, sprinti për titullin kampion ka arritur në metrat e fundit. Dy kanë mbetur për të luftuar për titullin në Itali. Milan drejtuar nga Stefano Pioli dhe Interi i Simone Inzaghit.

Pas pak orësh do të nisë një ‘Derby della Madonnina’, përballje që do të luhet në distancë dhe jo njëkohësisht. Milan do të luajë në orën 18:00 në San Siro kundër Atalantës. Është padyshim një sfidë e ndërlikuar, të cilët përballë tifozëve dhe në shtëpinë e tyre do të thirren të përballen me një ekip jo vetëm të fortë, por që është ende në kërkim për t'u kualifikuar për në Kupat e Europës.

Interi do të luajë në vend të kësaj në orën 20:45 dhe do ta bëjë këtë duke ditur rezultatin e 'kushërinjve'. Djemtë e Simone Inzaghit në fakt do të jenë protagonistët në fushën Cagliarit, skuadër që po lufton fort për të mos rënë nga kategoria. Sardët duhet të marrin tre pikë për t'u shkëputur nga mbijetesa. Pas vitesh të ndërlikuara, Milan kërkon të fitojë titullin e 19, trofe që mungon që nga viti 2011. Nga ora 18:00 e tutje zemrat do të fillojnë të rrahin më shpejt dhe kjo sepse pesë orët e ardhshme mund të jenë vendimtaret, ato që potencialisht mund të kenë kuptim për gjithçka. Një mënyrë apo tjetër.

Siç shkruan ‘La Gazzetta dello Sport’, një ditë si kjo është përjetuar për herë të fundit 57 vjet më parë. Ishte sezoni 1964-1965 dhe në atë rast dy skuadrat e Milanit u gjendën në garë për titullin dy javë para përfundimit të kampionatit, ishte pikërisht skuadra e Interit që festoi titullin kampion.

E.Ç (Dosja.al)

5741 47088

Sondazh

Poll

MË SHUMË