Sport

Ish-futbollisti i Barcelonës humb jetën në aksident automobilistik

15 Maj 2022, 12:16 Nga DOSJA
Ish-futbollisti i Barcelonës humb jetën në aksident

SPANJE - Ish-anësori i ekipit të të rinjve të Barcelonës, Maxi Rolon, ka humbur jetën në një aksident automobilistik, bashkë me vëllain e tij binjak Ariel.

Ata humbën kontrollin e veturës “Fiat Punto” me të cilën po udhëtonin në një kthesë dhe u përplasën me një pemë, transmeton media spanjole.

Aksidenti ka ndodhur rreth orës 8 të mëngjesit të së shtunës, në rrugën kryesore midis qyteteve Pujato dhe Casilda në provincën argjentinase të Santa Fe.

Maxi Rolon ishte pjesë e ekipit të të rinjve të Barcelonës në periudhën e vitit 2010-2016. Rreth këtij rasti ka reaguar edhe klubi i Barcelonës

“Jemi të tronditur nga vdekja e Maxi Rolon, një futbollist i të rinjve të Barcelonës nga viti 2010 deri më 2016. Ne shprehim ngushëllimet tona më të thella dhe i dërgojmë mbështetjen e plotë familjes së tij. U prefsh në paqe”,- ka shkruar faqja zyrtare e Barcelonës.

B.T (Dosja.al)

 

Sondazh

Poll

MË SHUMË