Aktualitet

“Ose orën, ose gruan”, sherr mes të rinjve shqiptar në Itali, plagoset një 27-vjeçar

10 Maj 2022, 13:53 Nga DOSJA
“Ose orën, ose gruan”, sherr mes të rinjve shqiptar

ITALI- Një tentativë vrasje ka ndodhur jashtë një klubi nate në zonën universitare të Bolonjës ku një 17-vjeçar shqiptar goditi me thikë një bashkëkombas 27-vjeçar, i  cili ishte ulur duke biseduar me miqtë. Shqiptari u ndalua dhe më pas u arrestua nga policia për tentativë vrasjeje.

Sipas mediave vendase, gjithçka ndodhi në orën katër të mëngjesit të natës së 1 majit, kur një 16-vjeçar shqiptar, i ftuar nga disa miq, doli nga një dhomë në oborr jashtë ku ndodheshin dy djem, njëri 29 dhe tjetri 27 vjeç, të ulur dhe duke biseduar me të dashurat e tyre.

“Ose ma jep orën, ose gruan”.-i është drejtuar me ton kërcënues shqiptari 27-vjeçarit, ku pak minuta më vonë kanë mbërritur katër shokët e tij (të gjithë shqiptarë nga 15 deri në 17 vjeç) dhe kanë filluar të rrahin dy djemtë, duke i goditur me shqelma dhe grushte.

Ndërkohë, një 17-vjeçar ka nxjerrë thikën dhe e ka goditur dy herë në gjoks 27-vjeçarin dhe më pas të gjithë u larguan me vrap. Karabinierët e Compagnia Bologna Centro ishin në gjendje të bllokonin menjëherë tre nga pesë sulmuesit, ndërsa të tjerët u identifikuan më pas, përmes imazheve të kamerave dhe komuniteteve për të miturit ku ata banonin.

Sulmuesi u ndalua dhe më pas u arrestua për tentativë vrasjeje, ndërsa shokët e tjerë të tij u paditën për plagosje. 27-vjeçari i sulmuar është jashtë rrezikut pvr jetën, ndërsa 29-vjeçari i rrahur ka raportuar për thyerje të tre brinjëve.

(d.a/dosja.al)  

 

Çmimet e hoteleve në prag të finales së Conference League, janë rritur disa herë dhe kanë detyruar tifozët italianë të anullojnë udhëtimin. Si duhet menaxhuar kjo situatë?

View Results

aktualitet aktualitet arrestohet shqiptari ne itali arrestohet shqiptari ne itali

Sondazh

Poll

MË SHUMË