Sport

Jim Ratcliffe, më shumë se 4 miliardë paund për të blerë Chelsea…

30 Prill 2022, 04:29 Nga DOSJA

Jim Ratcliffe, më shumë se 4 miliardë paund për të

ANGLI – Dy muaj pas zyrtarizimit të shitjes së klubit të Chelsea, miliarderi anglez Jim Ratcliffe aplikoi për të blerë klubin londinez. Siç zbulon “The Times”, Ratcliffe, pronar i gjigantit petrokimik Ineos, por edhe i klubit francez OGC Nice, ka bërë një ofertë prej më shumë se 4.25 miliardë paund (rreth 5 miliardë euro).

“Ne bëmë një ofertë dje në mëngjes,”– konfirmoi Ratcliffe për “The Times”. – Ne jemi i vetmi aplikacion britanik. Motivet tona janë thjesht të përpiqemi të krijojmë një klub shumë të bukur në Londër. Ne nuk kemi fitim, sepse i fitojmë paratë tona në mënyra të tjera”.

2.5 miliardë do të dedikoheshin për blerjen e klubit dhe 1.5 miliardë parashikohen të investohen në dhjetë vjet për zhvillimin e klubit, sipas projektit të shefit të Ineos, i cili thotë se është gati të përfundojë shpejt blerjen.

“Është një kandidaturë britanike, për një klub britanik, – u justifikua Ratcliffe në një deklaratë për shtyp, të transmetuar nga disa media lokale, përfshirë BBC. – Ne do të investojmë në “Stamford Bridge” për ta bërë atë një stadium të klasit botëror të denjë për Chelsea.

Ne do të vazhdojmë të investojmë në skuadër për të siguruar që të kemi një skuadër lojtarë të nivelit të lartë, trajnerët dhe stafin mbështetës më të mirë në botë, si në ndeshjet e meshkujve ashtu edhe në ato të femrave. Dhe ne shpresojmë të vazhdojmë të investojmë në akademi për t’u ofruar të rinjve të talentuar mundësinë për t’u bërë lojtarë të klasit të lartë”.

B.T (Dosja.al)

Aksidenti i rëndë në Tiranë, si mund të shmangen ngjarje të tilla?

View Results

sport sport chelsea për 115 milionë drejtuesit e chelseas jim ratcliffe momenti i keq i chelseas vazhdon ratcliffe chelsea për 115 milionë drejtuesit e chelseas jim ratcliffe momenti i keq i chelseas vazhdon ratcliffe