Aktualitet

VD-Ndërtimet në Butrint/ Rama: Patjetër që do ketë aktivitete fitimprurëse, nuk është mëkat

28 Prill 2022, 09:26 Nga DOSJA

VD-Ndërtimet në Butrint/ Rama: Patjetër që do ketë

TIRANË– Kryeministri Edi Rama pranoi ditën e sotme se në Parkun e Butrintit do të ketë aktivitete fitimprurëse. Gjatë fjalës së tij në Kuvendin e Shqipërisë, Rama tregoi se marrëveshja është bërë me fondacionin shqiptaro-amerikan. Po ashtu, kreu i qeverisë tha se fondacioni ka qënë partner i qeverisë ndër vite dhe do të jetë.

‘Është fondacioni i krijuar nga bashkërendimi mes fondacionit amerikan dhe shqipërisë. E dini kush është fondacioni? Apo iu ka zënë rrugën lufta, e cdo gjë amerikane ju duket problem? është proces i rëndësishëm në vend. me kohë dhe me vakt. është faktor dhe bashkëpuntor i qeverisë jo sot por i të gjitha qeverive të Shqipërisë prej shumë kohësh. Këto s’do akuzoni ministren, por fondacionin me qindra miliona dollarë që janë kontribut i një grupi njerëzish që jetojnë në SHBA që mbledhin fonde për Shqipërinë, se ju sigurojnë se janë OKEJ dhe nuk kanë problem.. na paska hyrë në një marrveshje sekrete për të hapur bare dhe restorante ne Butrint. Se kështu e shikoni ju konvertimin e politikës në para, se jeni autorët e kioskave, se ju e mbushët Tiranën me kioska. Atë ju e keni në kokë, u futët në këtë kope, mbaroi, se kopeja juaj ka kioskën e vet. Ju keni të gjithë moshën e atij të vdekurit që e dini të gjallë. Sot, falë punës që kemi bërë ne jo ju, marrëveshjes që kemi bërë ne. Patjetër që Butrinti do të ketë aktivitetet fitimprurëse, nuk është mekat, po shikoni se për cfarë, nuk janë fitime që do merren dhe do të shkojnë në Amerikë. Nuk do jetë si parku Rinia, se kur dëgjoni bare dhe restorante keni parkun Rinia si model. Parku i Butrintit do të bëhet kështu si themi ne. Ne e dimë se cfarë bëjmë. Partneri ynë është fondacioni shqiptaro-amerikan, nëse ju keni probleme me këtë është problemi juaj, ne e konsiderojmë partner shumë të mirë ndër vite. Ka bilanc të shkëlqyer.‘- tha Rama.