Aktualitet

Ringjallja e Krishtit/Katolikët festojnë Pashkët,pas 2 vitesh pandemi mbahet mesha në kishë

17 Prill 2022, 06:38 Nga DOSJA
Ringjallja e Krishtit/Katolikët festojnë Pashkët,pas 2 vitesh

TIRANË- Pashkët katolike janë festuar në të gjithë Shqipërinë. Duke ndezur qirinjtë e lutjes, që simbolizojnë dritën e përjetshme, besimtarët e Krishterë të Lezhës, Shkodrës, Vlorës dhe Tiranës, ashtu si në të gjithë botën kanë nisur që prej mbrëmjes të së shtunës festimet e Pashkëve. Sot është dita e Ringjalljes së Krishtit për të gjithë besimtarët katolikë, ndërkohë që mbrëmë u mbajt mesha e shenjtë e vigjiljes së pashkëve. Arqipeshkvi i Tiranës dhe Durrësit, kreu i Kishës Katolike në Shqipëri, Imzot Arjan Dodaj ka dhënë mesazhin e tij në meshën e së dielës në Katedralen e Shën Palit me rastin e ditës së Pashkëve. Dodaj foli për luftën në Ukrainë duke u fokusuar që të përcillte një mesazh paqeje.

“Në Shtëpinë e Zotit nuk ka nga ata që thonë unë jam më i mirë dhe ky është më pak i mirë se unë. Ju thotë Jezusi jeni vëllezër të gjithë, e keni vetëm një mësues, Krishtin, e një Hyjin Qiellor. Të zhveshur prej këtyre ndjenjave e kategorive që shpesh herë na hedhin në zemër, mendje e në shpirt rrjetet sociale e mediat e të veshur me ndjenjat e Jezusit, i cili u lan këmbët të gjithë dishepujve pa dallim, atëherë vendosemi dhe ne në mendësinë e Krishtit të ringjallur në këtë Pashkë, për të bërë Pashkë e në Pashkët e këtij viti marrim vetëdije akoma më shumë se në vitet e kaluara të distancës që është mes britmave të gëzimit që shpallin Krishti është ringjallur nga të vdekurit e të gjithëve i ka dhuruar jetën dhe lajmeve të dhimbshme të luftës, të refugjatëve, të dëshpëruarve që me miliona kanë braktisur vendin e tyre në pak javë e që tingëllojnë me një mesazh tjetër, me mesazhin e hidhur të vdekjes. Ti je kalimtar si të gjithë të tjerët, por për jetën e pasosur je për të dhënë dritë, vlera, pasuri, pajtim e paqe, të mos e pretendojmë këtë jetë, mos pretendo pajtim nga të tjerët, por ji ti pajtimi që pretendon. Mos kërko falje nga të tjerët, por jepe ti faljen që pretendon e mirëkuptimin dhe do të shohësh që bota që të rrethon është krejt një perspektivë tjetër,”-tha imzot Arjan Dodaj në fjalën e tij gjatë meshës.

Në orën 23:00 mbrëmë nisi mesha në Katedralen e Shën Palit në kryeqytet. Kjo është mesha e parë që zhvillohet pas 2 vitesh nën masat e pandemisë së COVID-19. Besimtarë të shumtë kanë qenë prezent në Katedralen e kryeqytetit për të ndjekur meshën e shenjtë. Pas Meshës në kishë, qytetarët marrin qiririn e ndezur dhe duan që ta çojnë dritë në shtëpitë e tyre. Kjo është festa me e madhe e kalendarit liturgjik të Kishës Katolike dhe të kishave te tjera te krishtera, te cilat festojnë Ringjalljen e Jezusit, sikunder e tregon Beselidhja e Re. Të dielën tjetër pritet të festohen Pashkët Ortodokse. Ditën e djeshme uruan Pashkët drejtuesit më të lartë të shtetit shqiptar, Presidenti Ilir Meta, Kryeministri Edi Rama dhe ish-kryeministri Sali Berisha, por nuk munguan as urimet nga shumë politikanë të tjerë.

SHIKO EDHE KËTO:

“Surpriza” në kishë! Yuri Kim shkon të lutet, pranë saj edhe Tom Doshi, s’mungon Kryemadhi

Pashkët/ Mbahet mesha në Katedralen e Shën Palit, e pranishme edhe ambasadorja Yuri Kim

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet pashket katolike pashket katolike

Sondazh

Poll

MË SHUMË