Politike

‘Alibeaj,kryetar i komanduar?’/PD: Yuri Kim shkelmoi vendimin e Gjykatës,injoroi zgjedhësit

5 Prill 2022, 13:51 Nga DOSJA

‘Alibeaj,kryetar i komanduar?’/PD: Yuri Kim shkelmoi vendimin e

TIRANË- Partia Demokratike ka reaguar ashpër pasi ambasadorja amerikane në Shqipëri, Yuri Kim se ka hedhur poshtë vendimin e Gjykatës së Tiranës, që regjistroi Statutin e votuar në Kuvendin Kombëtar të 11 dhjetorit. Po ashtu, në reagimin zyrtar të Partisë Demokratike shkruhet se Kim me ‘njohjen’ që i bën Enkelejd Alibeajt, duke e cilësuar si kryetar të Komanduar, ka injoruar vullnetin e zgjedhësve. Sipas deklaratës, Yuri Kim vërtetoi sot atë që e ka parathënë edhe me veprime të tjera se është në shërbim të kryeministrit Edi Rama për të mbajtur sa më gjatë peng opozitën.

“Yuri Kim vërtetoi sot atë që e ka parathënë edhe me veprime të tjera se është në shërbim të lojrave të Edi Ramës për të dobësuar dhe për të mbajtur sa më gjatë peng opozitën, duke komanduar për kryetar ata që u refuzuan me votë masive nga demokratët. Per fat te mirë, shqiptaret e kanë kuptuar se vlerat e verteta të SHBA nuk janë arroganca, diversioni apo diktati, por vota e lirë dhe demokracia. Këtë e kuptoi edhe ish kryetari që u largua dhe do ta kuptojë cilido që mendon të uzurpojë opozitën kundër vullnetit të shumicës,”-shkruhet në reagimin zyrtar të PD-së.

DEKLARATË E PARTISË DEMOKRATIKE

Pas një heshtje të zgjatur e të kuptueshme nga zgjedhjet e 6 Marsit, ambasadorja Yuri Kim injoroi themelin e demokracisë së shtetit të saj “We, the People”.
Yuri Kim hyri sot në Kuvendin e Shqipërisë për një takim me kreun e grupit parlamentar të PD Enkelejd Alibeaj, por kur doli, me anë të një deklarate e shpalli atë në mënyrë qesharake dhe absurde si kryetar të Partisë Demokratike.

Yuri Kim sot, sikurse dhe herë të tjera, nuk bëri asgjë më pak përveçëse shkeli në mënyrë të përsëritur Konventën e Vienës si diplomate, duke shkelmuar mbi vendimin e gjykatës që konfirmoi verdiktin e demokratëve në Kuvendin e 11 dhjetorit, që i riktheu selinë, logon dhe vulën Komisionit të Rithemelimit- organit kolegjal të vetëm udhëheqës aktual të Partisë Demokratike. Ajo gjithashtu, injoroi edhe votën e zgjedhësve të shprehur qartë më 6 mars.

Yuri Kim vërtetoi sot atë që e ka parathënë edhe me veprime të tjera se është në shërbim të lojrave të Edi Ramës për të dobësuar dhe për të mbajtur sa më gjatë peng opozitën, duke komanduar për kryetar ata që u refuzuan me votë masive nga demokratët. Per fat te mirë, shqiptaret e kanë kuptuar se vlerat e verteta të SHBA nuk janë arroganca, diversioni apo diktati, por vota e lirë dhe demokracia. Këtë e kuptoi edhe ish kryetari që u largua dhe do ta kuptojë cilido që mendon të uzurpojë opozitën kundër vullnetit të shumicës.

SHIKO EDHE KËTË:

1 orë brenda Kuvendit/ Yuri Kim takohet me Alibeajn: Është kryetari i komanduar i PD

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike enkelejd alibeaj kim takohet me alibeajn yuri kim yuri kim ne kryesine e kuvendit enkelejd alibeaj kim takohet me alibeajn yuri kim yuri kim ne kryesine e kuvendit