Aktualitet

PËRGJIMET ‘fundosin’ Elsa Lilën: S’më kontrollon njeri, si Shqipëria, duhet miku me shtetin

17 Mars 2022, 07:33 Nga DOSJA
PËRGJIMET ‘fundosin’ Elsa Lilën: S’më

ITALI– Përgjimet të cilat kanë në fokus këngëtaren shqiptare Elsa Lilën janë bërë publike në shtetin fqinj, Itali. Në këto përgjime theksohet lidhja që artisja kishte me grupin e drogës dhe sigurinë që kishte ndaj shtetit italian, pasi sipas saj kishte lidhje të shkëlqyera. Pjesë e përgjimeve ishte dhe SHQIPËRIA. Elsa bëri një paralelizëm, duke thënë se ashtu si në Shqipëri që duhen njohjet dhe miku për t’u lidhur me shtetin, skema funksionon e njëjtë edhe për Italinë.

“Shko, shko atje, ndërro vend”, mësohet ti ketë thënë Lila trafikantit. Gjatë bisedës së zbardhur nga përgjimet, Lila më shumë se policisë i frikësohej hajdutëve, pasi mund ti vidhnin kasafortën e parave, që dyshohet se ishin produkt i trafikur të drogës.

PËRGJIMET QË FUNDOSIN ARTISTEN (TË PUBLIKUARA NGA MEDIAT ITALIANE)

 “Nëse ‘kutia’ hapet, do duhet të bëjnë një burg të ri në Romë!”.

Këngëtarja:Nuk më vjen njeri nga shteti për të më kontrolluar, më njohin, kam marrëdhënie të shkëlqyera. Në një rast “më dhanë një gjobë por më thanë të mos e paguaja sepse nuk do ta kontrollonin”. Sepse këtu “si në Shqipëri duhet një mik/lidhje me shtetin, se çfarëdo qeverie të jesh do të shpëtosh, duhet të gjesh një rrugë pasi edhe këtu shiten kaq shumë”.

Mësohet se artistja shqiptare mbante “Kutinë e Babagjyshit”, e cila konsistonte në arkën e fshehur ku kishte para dhe fatura nga banda e trafikantëve. Gjyqtari e konsideron Elsa Lilën plotësisht “pjesëmarrëse në organizatë” dhe “person të besuar” të Bocit, të cilit i ofroi shtëpinë e saj në verën e 2019 për t’u fshehur nga policia.

Tetë persona të tjerë përfunduan në qeli, dhe tre të tjerë, mes të cilëve kreu i bandës shqiptare, Arindi Boci, i njohur si “Rindi”, është i arratisur. Për hetuesit Lila ishte kontabilistja e grupit. Këngëtares shqiptare pritet që ti komunikohet masa e sigurisë në ditët e ardhshme.

Elsa Lila u arrestua ditën e djeshme në Itali. Ajo dyshohet se bën pjesë në një organizatë kriminale që merrej me shitjen e drogës. Sipas tyre, grupi përbëhet nga 13 persona, italianë dhe shqiptarë ndërsa drejtues i grupit rezulton një shqiptar, i cili është i shpallur në kërkim jashtë vendit ndërsa anëtarët e tjerë kishin rolin e furnitorëve.

Në krye të kësaj organizate ishin italianët Vivas Caffè dhe Antica Sapori di Acilia, Fabrizio Capogna dhe boksieri shqiptar Petrit Bardhi, i njohur si “Titty”, të cilët takonin klientë dhe personalitete të kalibrit të rëndësishëm kriminal. Bardhi është i ngushtë i Arben Zogut, 40 vjeç, i njohur si ultras i ekipit të Lacios. Zogu i cili njihet me emrin “Riçardino” u dënua me 20 vite burg me akuzën e përfshirjes në trafikun e drogës.

Arben Zogu bashkë me dy shqiptarë të tjerë Orial Kolaj, 30 vjeç dhe Petrit Bardhi, 39 vjeç, u arrestuan gjatë një operacioni të policisë italiane në vitin 2015. Ata ishin pjesë e grupit mafioz “Guarnera”, e përbërë nga një grup i madh qytetarësh shqiptarë, që cilësohen si “boksierët”.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet arrestohet elsa lila elsa lila arrestohet elsa lila elsa lila

Sondazh

Poll

MË SHUMË