Sport

Shakhtar/ Mesfushori Marcos Antonio i lirë, ai mund t’i bashkohet menjëherë Juventusit…

10 Mars 2022, 16:49 Nga DOSJA

Shakhtar/ Mesfushori Marcos Antonio i lirë, ai mund t’i bashkohet

ITALI – Rregullat, para së gjithash. Në funksion të gjendjes së vazhdueshme të luftës, FIFA ka vendosur që të gjitha kontratat për lojtarët e huaj dhe trajnerët e klubeve ukrainase të pezullohen automatikisht deri më 30 qershor 2022.

Situatë e ngjashme edhe për klubet ruse: nëse klubet nuk arrijnë marrëveshje deri më 10 mars, lojtarët dhe trajnerët e huaj do të kenë të drejtë të pezullojnë në mënyrë të njëanshme marrëdhënien e punës që përfundon deri më 30 qershor 2022.

Në bazë të pezullimit të kontratës, lojtarët dhe trajnerët do të konsiderohen të “liruar” deri në fund të sezonit dhe për këtë arsye, do të jenë të lirë të nënshkruajnë një marrëveshje të re me një klub tjetër pa pësuar asnjë lloj sanksioni.

Nënshkrimi me ekipin e ri duhet të bëhet deri më 7 prill. Klubet do të kenë të drejtë të regjistrojnë maksimumi dy lojtarë. Mbetet për t’u kuptuar saktësisht se si UEFA dhe ligat kombëtare do t’i zbatojnë këto rregulla të reja, por disa klube tashmë po ndërmarrin hapa për të vlerësuar nëse dhe si do të vazhdojë.

Juventusi, në një situatë emergjente në mesfushë (McKennie dhe Zakaria të dëmtuar) dhe me një vend për lojtarët ekstra-evropianë ende të lirë, mund të reflektojë për mesfushorin brazilian 21-vjeçar Marcos Antonio të Shakhtar Donetsk.

Intervistuar nga “Tuttosport”, zv.drejtori sportiv i klubit, Carlo Nicolini, shpjegoi: “Pa McKennie, një mesfushor që rrit cilësinë dhe dinamizmin e repartit mund të jetë vërtet i dobishëm. Marcos Antonio mund të jetë një ide interesante. Ai është i vogël, por është teknik dhe i përshtatet shumë.”

B.T (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport 21-vjeçar marcos antonio administratori i juventusit fifa do të japë çmimet e saj ish-trajneri i romës dhe aktualisht i shakhtar donetsk ndaj sanksioneve të para zyrtare të fifa-s shakhtar donetsk 21-vjeçar marcos antonio administratori i juventusit fifa do të japë çmimet e saj ish-trajneri i romës dhe aktualisht i shakhtar donetsk ndaj sanksioneve të para zyrtare të fifa-s shakhtar donetsk