Politike

Bardh Spahia fitoi Shkodrën, Majlinda Angoni: Betejë jo e lehtë! Uroj mos të zhgënjeheni

8 Mars 2022, 11:16 Nga DOSJA
Bardh Spahia fitoi Shkodrën, Majlinda Angoni: Betejë jo e lehtë!

SHKODËR– Majlinda Angoni, kandidatja e PS-së në Shkodër në zgjedhjet e pjesshme të 6 marsit ka falenderuar të gjithë qytetarët pas përfundimit të procesit zgjedhore, aty ku në Shkodër doli i fituar Bardh Spahia, i Shtëpisë së Lirisë. Angoni u shpreh se kjo ishte një betejë jo e lehtë për Shkodrën, por Shkodra foli hapur duke vendosur atë që mendon se është më e mira për të.

REAGIMI:

Të nderuar bashkëqytetarë të Shkodrës dhe të njësive administrative, Sot dua të falenderoj gjithësecilin prej jush, një e nga një që më dhatë besimin dhe mbështetjen time për Shkodrën. Këto ditë ishin një përvojë e pashlyeshme, si shprehje e një përpjekje të përbashkët për të jetësuar ëndrrën për një Shkodër tjetër, në një realitet të vështirë. Kjo ishte një betejë jo e lehtë për të ardhmen ku Shkodra foli hapur duke vendosur atë që mendon se është më e mira për të.

Mirënjohje edhe njëherë për qytetarinë e treguar në këtë proces shembull të shprehjes së vullnetit të lirë, duke vendosur standardin demokratik si një normë shoqërore që dikton edhe të ardhmen e qytetit ku jetojmë.Mungesa jo e vogël pjesëmarrjes së qytetarëve dhe veçanërisht e të rinjve në këto zgjedhje të pjesshme vendore, është një këmbanë alarmi se kemi ende shumë punë, për t’i kthyer besimin çdo individi, te mekanizmi politik si instrument dhe zgjidhje në dorën e qytetarit. Asnjëherë nuk është vonë që Shkodra të zgjohet nga hijet pengmarrëse të së shkuarës e të shohë me forcën e besimit dhe të vizionit largpamës, të tashmen dhe të nesërmen që meriton. Faleminderit të gjithë qytetarëve, mbështetësve e të angazhuareve të kësaj fushate, strukturave partiake, simpatizantëve, medias, por edhe ekipit tim e sidomos familjes sime, që sakrifikuan shumë energji zemre në këtë rrugëtim tonin të përbashkët. Uroj që Shkodra të dalë gjithmonë e fituar dhe shkodranët gjithmonë të pazhgënjyer! Falemnders nga zemra!

Partia Socialiste ka fituar 5 nga 6 bashkitë që morën pjesë në zgjedhjet e pjesshme të mbajtura në 6 bashki. Partia Socialiste ka fituar në bashkitë Vorë, Rrogozhinë, Lushnjë Dibër dhe Durrës ndërsa në Shkodër, garën e ka fituar kandidati i koalicionit ‘Shtëpia e Lirisë’, Bardh Spahia.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike majlinda angoni majlinda angoni

Sondazh

Poll

MË SHUMË