Politike

Inceneratorët/ Berisha i përgjigjet Ramës: Ku shkruan eurot?

23 Shkurt 2022, 18:49 Nga DOSJA
Inceneratorët/ Berisha i përgjigjet Ramës: Ku shkruan eurot?

DURRËS- Ish-kryeministri Sali Berisha i është përgjigjur kryeministri Edi Rama në lidhje me inceneratorët. Teksa po merrej në pyetje, Rama tha se 420 mln euro nuk ekzistojnë dhe se nuk ka as vjedhje. Berisha nga Durrësi bëri një mbledhje të shifrave që kushtuan tre inceneratorët. Berisha tha se eurot e marra për inceneratorët u ndanë mes ministrave, zyrtarëve, Zotëve si dhe Mërtirëve.

“Keni dëgjuar këtë kohë problemin e djegësave. Edi Rama para komisionit pyeste: Ku janë 420 mln dhe ku është vjedhja? Vjedhja është monstruoze. Djegësi i Elbasanit, pa asnjë tender, me një procedurë të pashpallur, të papublikuar kurrkund. Është firmosur kontrata për 22 mln euro me një kompani të sapokrijuar, të krijuar për të vjedhur së bashku dhe bën tenderin me çelësa në dorë, një kompani italiane vjen dhe ndërton djegësin me 12 mln, teprojnë 10 mln.

Nëse ministrat nuk donin të vidhnin, këto para ia jepnin bashkisë së Elbasanit, do të bësh tender për djegësat dhe bënte tenderin të hapur, kompanitë do të vinin. Kompania me çmimin më të ulët do të ndërtohet, nga thesari nuk shkonin më 22 mln, por 10-12 mln sa kushtonte djegësi. Ku shkuan 10 mln? U ndanë midis ministrave, zyrtarëve, e Zotëve e Mërtirëve të tyre.

Oreksi vjen duke ngrënë, thotë populli. Mqs këtu vodhën pa iu hyrë ferra në këmbë 10 mln, kaluan te i Fierit që e rritën me 30 mln. U ndërtua me 15 mln euro. 15 mln euro të tjera u mbetën pare xhepi këtyre. Dhe ky pyet. Dhe kulmon me Tiranën dhe Durrësin. Shtohet 130 mln për djegësin e Tiranës, 50 mln euro kushton djegësi, të tjerat të gjitha pare për ministrat dhe kompaninë e tyre. Pse zotëri nuk ua dhe bashkive ti këto para që të bënin tenderat dhe të ndërtonin djegësat? Sepse thesari i shtetit do të paguante vetëm paratë për djegësat. Në Ballkan ekziston vetëm një djegës, Shqipëria ka tre djegësa. Prandaj edhe varfëria rritet gjithnjë e më shumë”, tha Berisha.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike afera e inceneratorëve edi rama sali berisha afera e inceneratorëve edi rama sali berisha

Sondazh

Poll

MË SHUMË