Sport

Agolli i kujton Veliajt: Ke harruar që për 35 minuta lavdërove Dukën pas Euro2016

28 Janar 2022, 17:48 Nga DOSJA

TIRANË – Ish-kapitenin e ekipit Kombëtar, Ansi Agolli, ka reaguar për ndërhyrjen  e Erion Veliajt në zgjedhjet e kreut të FSHF që do të zhvillohen më 2 mars.

Në një lidhje të drejtpërdrejt për emisionin “Sport Magazinë” në Ora News, Agolli tha se situata e krijuar i duket joreale, ndërsa shton se është shumë e rrezikshme për futbollin.

Ansi Agolli: Ka kohë që politika tenton të përfshihet në sport. Edhe në zgjedhjet e shkuara ka qenë e njëjta gjë, por në krahasim me këtë herë ka marrë  në dimension tjetër, një dimension mjaft të rrezikshëm. E ka kaluar linjën e kuqe. Ofendohen ish-futbollistë, ish-trajera, ka presione. Më duket situatë jo reale. Është një gjë shumë e rrezikshme për sportin. 

Ndër të tjera ai kujtoi dhe rastin kur ekipi i Kombëtares u kthye në Tiranë pas ndeshjes me Rumaninë. Ish kapiteni tha se asokohe sapo erdhën në Shqipëri ndalesën e parë e bën të Bashkia e Tiranës, ku Erion Veliaj, 35 minuta foli me fjalë të mëdha për sukseset e kreut të FSHF Armand Duka.

Ansi Agolli: Kur kam dëgjuar kryebashkiakun, mu kujtua që pas ndeshjes me Rumaninë në Euro2016, ndalesa jonë e parë kur u kthyem në Tiranë,  ishte te Bashkia. U shtrua një tapetë i kuq. Veliaj mbajti një fjalim 45 minuta. 35 minuta ishin arritjet e FSHF me në krye Dukën dhe 10 minuta u fol për skuadrën. Është i njëjti njeri që para pak kohësh e çoni Dukën në Jupiter. Fliste me fjalë magjike. 

Përse ka ndodhur kjo metamorfozë, ju keni qenë pjesë e pritjeve të mëdha. Vërtetë  politika mendon se futbolli në vitet e fundit apo është dëshira për ta marrë?

Ansi Agolli: E tha vetë. Kjo gjë është politike, nuk di se çfarë të shtojë unë. 

FSHF publikoi audiopërgjimin ku Veliaj kërcënonte si dhe shantazhonte institucionin e futbollit me një fjalor rruge gjatë mbledhjes së mbajtur pasditen e 23 janarit 2022 në prag të zgjedhjeve për shoqatën e Tiranës që do mbaheshin pasditen e 24 janarit. Një ditë më pas më 25 janar, në shtëpinë e kreut të FSHF u vendos një sasi tritoli, ku për fat të mirë pati vetëm dëme materiale.

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport #ansiagolli #armandduka #bashkiatirane #erjonveliaj fshf kombetarja kuqezi #ansiagolli #armandduka #bashkiatirane #erjonveliaj fshf kombetarja kuqezi

Sondazh

Poll

MË SHUMË