Politike

Tonin Vocaj kërkon ballafaqim live,Bardhi: Do përballet me ligjin, është kriminel

13 Janar 2022, 21:18 Nga DOSJA

Tonin Vocaj kërkon ballafaqim live,Bardhi: Do përballet me ligjin,

TIRANË – Drejtori i Policisë Kriminale Tonin Vocaj kërkoi të ballafaqohej drejtpërdrejt në emisionin “Opinion” me sekretarin e Partisë Demokratike Gazment Bardhi pasi ky i fundit e quajti kriminel dhe se ka ndikuar negativisht në protestën e 8 janarit para selisë blu. Zyrtari demokrat u përgjigj se Vocaj do të përballet me ligjin tashmë. Ai e akuzoi gjithashtu për prishje provash dhe se ka inskenuar akte kriminale për të përfshirë njerëz të pafajshë,

Ndër të tjera, sekretari i partisë më të madhe opozitare përmendi se Drejtori i Përgjithshëm i Policisë së Shteit Gledis Nano po mbahet peng nga Vocaj dhe drejtorë të tjerë korruptuar të Policisë së Shtetit.

PJESË NGA EMISIONI “OPINION”
FEVZIU: Tonin Vocaj më thotë se është gati të ballafaqohet live.

BARDHI: Tonin Vocaj do ballafaqohet me ligjin. Kaq kam. Nuk e ul nivelin. I shërben krimit, inskenon akte kriminale për të fajësuar të pafajshëm. Në më shumë se një rast ka prishur provat. I dimë rastet edhe pse bën sikur nuk i di. Vocaj është kriminel brenda policisë.Drejtorin e Policisë e kanë marrë peng Tonin Vocaj dhe drejtorë të inkriminuar të policisë.

Sekretari i Përgjithshëm i PD akuzoi Vocajn dhe ish-zv/drejtorin e Përgjithshëm të Policisë së Shtetit Agron Kuliçaj se kanë stisur foton e publikuar në 6 janar ku një grup personash të maskuar, ku njëri prej tyre dukej i armatosur së bashku me sanitaren e godinës së PD. Bardhi tha në “Opinion” se fillimisht është bërë një denoncim në Komisariatin Dixhital dhe më pas Vocaj, për shkak të lidhjeve që ka me Kuliçajn, stisën këtë fotografi për për akuzuar zyrtarë të PD se kjo parti po mbante persona të rrezikshëm brenda godinës.

Fotoja u publikua në 6 janar, dy ditë para protestës që do të mbahej para selisë së PD. Ish-kryeministri Sali Berisha dhe Komisioni i Rithemelimit denoncuan se personat e maskuar, ku njëri prej tyre është i armatosur janë “mercenarë” të paguar nga kryetari i PD Lulzim Basha.

LAJMI KRYESOR: Fotoja e “grupit të zjarrit” në PD, Bardhi: Skenar i realizuar nga Vocaj dhe Kuliçaj

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike gazment bardhi tonin vocaj gazment bardhi tonin vocaj