Aktualitet

Referendumi/ 98% e demokratëve ‘pro’ shkarkimit të Bashës, Berisha shkon në seli

18 Dhjetor 2021, 06:25 Nga DOSJA

Referendumi/ 98% e demokratëve ‘pro’ shkarkimit të

TIRANË– Referendumi i sotëm i mbajtur në të gjitha degët e Partisë Demokratike të Shqipërisë miratoi thuajse me unanimitet shkarkimin e Lulzim Bashës nga funksioni i kryetarit të PD-së. Pas mëse 13 orësh maratonë votimi, numërimi dhe verifikimi të votave, deputetja e PD-së Albana Vokshi saktësoi se 43.385 anëtarë demokratë miratuan vendimin e Kuvendit të Jashtëzakonshëm të 11 dhjetorit, ku 4446 delegatë votuan pro mbylljes së drejtimit të selisë blu nga Lulzim Basha. Pas këtij momenti, pretendohet se Komisioni për Rithemelimin e Partisë Demokratike do të drejtojtë partinë më të madhe opozitare deri në organizimin e zgjedhjeve për kryetarin e ri në 22 mars 2022.

Ish-kryeministri Sali Berisha, i cili po udhëheq lëvizjen për rithemelimin e PD-së shkoi në selinë blu ku njëkohësisht Basha po drejton mbledhjen e Kryesisë së partisë. Ish-lideri historik i PD-së pranoi se nga dita e hënë do të fillojnë protestat kombëtare, duke nisur me vizitën e presidentit serb Aleksandër Vuçiç.

Ndërkohë sot, procesi i votimit ka nisur në orën 08:00 në të gjitha degët e PD në rrethe dhe ishte parashikuar që të zhvillohej deri në orën 17:00, por u shty me një orë për shkak të paraqitjes së demokratëve për të ushtruar vullnetin e tyre. Votimi në fletën me vulë e logo të re u krye me kartën e identitetit dhe atë të anëtarësisë të çdo demokrati. Ndërsa të tjerët që nuk ishin pjesë e anëtarësisë, votuan vetëm me kartë identiteti nga i merret shënim emri. Për drejtimin e referendumit u ngrit edhe një komision zgjedhor i kryesuar nga Albana Vokshi, me anëtarë Ervin Minarollin, Eno Bozdon, Edit Harxhin dhe Keltis Krujën.

Megjithatë procesi nuk u zhvillua pa incidente, ku nuk është përjashtuar as votimi në rrugë, pasi në Sarandë e Delvinë siç u raportua një ditë më parë, kryetari i degës mbylli selinë e për pasojë kutitë u vendosën në rrugë përballës derës ku dhe po prisnin demokratët për të hedhur votat. Tjetër incident është regjistruar në Fier ku policia bashkiake ka nxjerrë jashtë komisionerët, me pretendimin se votimi po kryehej në një njësi administrative. Deputeti i PD-së, Luan Baçi pretendoi se ata kishin marrë leje por shtoi që kryebashkiaku Armando Subashi ka bërë marrëveshje me sekretarin e Përgjithshëm të Partisë Demokratike, Gazment Bardhi që të prishte procesin e votimit.

Ndërsa vetë Berisha vendosi të votojë në degën nr.2 të Partisë Demokratike shumë pranë ambasadës së Shteteve të Bashkuara të Amerikës në Tiranë. I pyetur nëse bëhej fjalë për një provokim ndaj SHBA-ve, Berisha e mohoi këtë gjë, ndërsa vetë shoqërohej ngas bashkëshortja e tij, Liri dhe djali Shkëlzen. Ndërkohë që paralelisht, Basha mbante Kuvendin Kombëtar, që e përjashtoi nga të gjitha strukturat drejtuese për shkak të shpalljes “non grata” nga ana e Departamentit Amerikan të Shtetit.

ZHVILLIMET ORË PAS ORE:

Rezultati përfundimtar i referendumit/ 43.385 demokratë ‘pro’ shkarkimit të Bashës

Referendumi në PD, Komisioni Elektoral: Përfundoi numërimi i votave

FT/Demokrati mesazh Yuri Kim me fletën e referendumit: Në shtëpinë time komandoj unë

VD/ Berisha: Zona nr.8 perla e referendumit! Basha humbet në lagjen e tij

Referendumi për shkarkimin e Lulzim Bashës, publikohen rezultatet e para

Mbyllet votimi kundër Bashës/ Mbyllen procesi në 13 qytete, nis numërimi

S’doli me prindërit! Edhe Shkëlzen Berisha në krah të të atit, voton te ‘Amerika’

Përjashtimi i Bashës, Flamur Noka: Sot demokratët votuan më shumë se në 25 prill

Delegatët te Basha/ Vokshi: Ju e dini mirë sa mban salla e Pallatit të Kongresve

Referendumi kundër Bashës/ Vokshi: Në total kanë votuar 27 mijë e 719 delegatë

Referendumi/ Vokshi: Deri në orën 11:00 kanë votuar 11,600 anëtarë të PD