Aktualitet

Basha sulmon “treshen” Berisha, Meta, Rama: Jeni trekëndëshi i Bermudës

28 Tetor 2021, 09:32 Nga DOSJA

Basha sulmon “treshen” Berisha, Meta, Rama: Jeni

TIRANË– Kryedemokrati Lulzim Basha iu drejtua kryeministrit Edi Rama duke i thënë se mund ta pohojë se i mungon Berisha dhe Meta. Kryetari i Partisë Demokratike, iu drejtua kreut të qeverisë gjatë seancës parlamentare duke i thënë se të tre bëjnë së bashku Trekëndëshin e Bermudës dhe qajnë hallet bashkë.

FJALA E BASHËS:

Thuaj më ka marrë malli për Sali Berishën dhe Ilir Metën, thuaji. Bëj foltore dhe ti, bashkohu me ta dhe bëni një trekëndësh dhe qani hallet. Unë jam këtu për shqiptarët dhe hallet e tyre. Dil hapur, mos u fshi. A do të ta plotësojnë ty demokratët dëshirën për të shkuar pas. Jo. Mua do të më kesh përballë, mua që të mbusha në 2011. Jo Sali Berishën. Ca miq, ke ti, ca miq kam dhe unë. Nëse të dukem i fortë, është problemi jot, i dobët s’kam qenë ndonjëherë. Ti po poshtëron veten për mënyrën se si flet këtu. Faktet të nxjerrin gënjeshtarë që ke qenë gjithmonë në politikë. Bashkia tjetër k shpenzuar 30 mln euro 14 shkolla. Këto janë të vërtetat. Burimi Partia Demokratike, Agjencia e Prokurimit Publik. Shifrat tuaja janë ilustruar këtu. Juve s’ju interesojnë këto, por borxhin ua ke shqiptarëve. I ke te FMN këto.

Këto janë faktet. Faktet i ke brenda, në fonde, në xhepat e shqiptarëve. Shkaktari je ti. Kështu që mos u kap kot pas trekëndëshit të Bermudës, edhe pse je një nga kulmet. Ajo kohë ka marrë fund. Unë kam mision të mos përsërisim gabimet e ’92, ’97, 2009. Të mos bëjmë kompromis, për zgjedhjen e një presidenti. Kam edhe unë faj që ti je aty, por fajin më të vogël, pasi pjesën më të madhe e kanë ato dy kulmet që formojnë trekëndëshin e Bermudës. Pra, që t’i themi gjërat shkoqur. Këtu ka një betejë midis 30 viteve llum të tranzicionit, ku llumi je ti, padyshim që kemi dhe ne një pjesë të llumit. Por atë llum e ke marrë ti, që e ke përdorur ndaj opozitës. Sakrificat e demokratëve nuk do të shkojnë dëm. Masakra zgjedhore e 25 prillit s’do të mbajë gjallë.

Trekëndëshi i Bermudës i ka ditët e numëruara. Shpëtim, nga ajo për të cilën i keni hyrë në hak shqiptarëve nuk keni për të pasur. Gjërat kanë ndryshuar një herë e mirë. Një pas një brinjët e trekëndëshit të Bermudës do të bien. 15 veta që kontrollojnë tranzicionin do të japin llogari politikisht.

LAJMI KRYESOR:Kuvendi/ Debate për helmimin në Krujë! Rama-PD: Larg rindërtimit, do hyjë në histori

(A.b)/dosja.al

Cila mendoni se është alternativa më e mirë:

View Results

kryesore politike lulzim basha seance plenare 28 tetor 2021 lulzim basha seance plenare 28 tetor 2021