Politike

Skandali i tunelit të Llogarasë/ PD: Do bëjmë kallëzim në SPAK për Ballukun

12 Tetor 2021, 12:12 Nga DOSJA

Skandali i tunelit të Llogarasë/ PD: Do bëjmë kallëzim

TIRANË– Partia Demokratike ka paralajmëruar një padi në Strukturën e Posaçme kundër Korrupsionit dhe Krimit të Organizuar për ministren Belinda Balluku. Deputeti i Partisë Demokratike, Helidon Bushati ka bërë me dije se dosja e tunelit të Llogarasë do të dërgohet në SPAK, duke akuzuar qeverinë për korrupsion. Në deklaratën e tij, Bushati theksions se bashkimi i kompanive “INTEKAR YAPI” dhe “ASL” kërkon 17 miliardë lekë ose 170 milion dollar për ndërtimin e tunelit, ndërkohë që “Concord Engineering” dhe dy kompani shqiptare, kanë ofruar 12 milionë dollarë më pak për të njëjtën punë. Si përfundim, PD shkruan se ministria e drejtuar nga Belinda Balluku, zgjodhi ofertën më të shtrenjtë për xhepat e qytetarëve e për këtë arsye do ta dërgojnë çështjen në SPAK.

DEKLARATË E PARTISË DEMOKRATIKE, HELIDON BUSHATI:

Prej ditës që panikndjellësi iu shpalli shqiptarëve ‘krizën’, Partia Demokratike ka treguar me prova dhe fakte, se nuk kemi të bëjmë me një krizë energjitike, por me krizë korrupsioni dhe keqmenaxhimi. Dhe kjo nuk po ndodh vetëm në sektorin e energjisë, por, sikurse ka ndodhur gjatë këtyre viteve, në të cilat korrupsioni ka arritur në nivelin e kapjes së shtetit, po ndodh edhe në sektorë të tjerë. Ministria e Infrastrukturës, që është edhe ministria mbi të cilën bie edhe pesha e keqmenaxhimit dhe korrupsionit për situatën energjitike në vend, për të cilën do të merren 200 milionë euro borxh, që do të paguhen nga taksat e shqiptarëve, ka shpallur fitues të tenderit për ndërtimin e tunelit të Llogarasë, një bashkim kompanish turke, e cili ka ofruar rreth 12 milionë dollarë më shumë se oferta më e ulët.

Pra, në garën midis “INTEKAR YAPI” dhe “ASL”që kërkoi ta ndërtojë tunelin për rreth 17 miliardë lekë ose 170 milion dollarë, dhe një tjetër bashkim operatorësh, përbërë nga kompania egjiptiane “Concord Engineering” dhe dy kompani shqiptare, që kanë ofruar 12 milionë dollarë më pak për të njëjtën punë, në total 158 milion dollarë, ministria e drejtuar nga Belinda Balluku, zgjodhi ofertën më të shtrenjtë për xhepat e qytetarëve. Pikërisht në një kohë kur qeveria flet për krizë, taksat e shqiptarëve shpërdorohen. Dhe përpara syve të të gjithë shqiptarëve del qartë se kriza është për qytetarët, ndërsa për qeverinë është sezon pasurimi për të dhe klientët e saj. Dhe nuk janë pak, por 12 milionë dollarë që mund të shkojnë për shtresat në nevojë, jo për orekset e një grushti të vogël njerëzish. Përballë shpalljes si fituese të ofertës më të shtrenjtë dhe abuzimit me taksat e tyre, qytetarët shqiptarë meritojnë transparencë dhe veprim të menjëhershëm të drejtësisë.

Veçanërisht, qytetarët e shtetit më të varfër në Europë, që për shkak të kësaj qeverie të korruptuar paguajnë çmimet, ndër më të shtrenjtat për ndërtimin e rrugëve në kontinent, si ato që kalojnë 20 milionë euro për kilometër. Partia Demokratike nuk do të mjaftohet vetëm me denoncimin e këtij skandali, por do të dorëzojë kallëzim penal në SPAK për drejtuesen e Ministrisë së Infrastrukturës, Belinda Balluku. Qytetarët shqiptarë nuk mund të mbajnë mbi shpinë korrupsionin e kësaj pakice, ndaj është detyra e drejtësisë t’i japë fund abuzimeve. Është detyra e drejtësisë t’i japë fund pandëshkueshmërisë së pushtetarëve që varfërojnë qytetarët, për të pasuruar veten dhe klientët më të cilët ndajnë një pushtet të paligjshëm.

Agjencia e Prokurimeve Publike ka shpallur këtë fundjavë kompaninë fituese të tenderit më shumë se 140 milionë eurosh që do të zbatojë këtë projektin e tunelin e Logarasë dhe ajo është konsorciumi turko-turk ISL dhe Interkar.

(k.m/dosja.al)

Iftar dhe politikë, a u prek Muaji i Ramazanit nga politikanët?

View Results

politike politike fituesi i tunelit te llogarase helidon bushati pd tuneli i llogarase fituesi i tunelit te llogarase helidon bushati pd tuneli i llogarase