Sport

Futbolli i femrave në SHBA, në protestë ndaj abuzimeve seksuale…

7 Tetor 2021, 09:26 Nga DOSJA

Futbolli i femrave në SHBA, në protestë ndaj abuzimeve

SHBA – Protestë në futbollin profesionist të femrave amerikane kundër dhunës seksuale. Ndeshja e djeshme mes Washington Spirit dhe Gotham Fc u pezullua për një minutë: protagonistët e ndeshjes ndaluan lojën, duke u mbajtur krah për krah në qendër të fushës. Ato e bënë këtë në minutën e 6-të, duke simbolizuar numrin e viteve që u deshën për të rritur ndërgjegjësimin për abuzimet e supozuara të ish-trajnerit të Karolinës së Veriut, Paul Riley.

Trajneri 58-vjeçar anglez u shkarkua javën e kaluar, pasi u akuzua nga dy ish -lojtare përmes një artikulli në gazetën “The Athletic”. Sinead Farrelly tha, se ishte e detyruar të bënte seks, kur luante për të në Filadelfia Independence. Farrelly dhe Mana Shim gjithashtu zbuluan, se ato u detyruan të putheshin në apartamentin e trajnerit në 2015 gjatë Portland Thorns.

Akuzat e shtynë FIFA-n të hapë një hetim dhe komisioneren e ligës së futbollit të femrave në SHBA (Liga Kombëtare e Futbollit të Grave), Lisa Baird, të japë dorëheqjen. Skandali preku edhe Washington Spirit. Presidenti i klubit, Steve Baldwin, dha dorëheqjen këtë javë, pas shfajësimit të trajnerit Richie Burke, i akuzuar për ngacmim seksual në fund të një hetimi nga NWSL.

Ndërprerja e ndeshjes u bë në shenjë të “solidaritetit” me viktimat e abuzimit, sipas sindikatës së lojtarëve (NWSLPA). “Sonte jemi përsëri në fushë, sepse nuk do të lejojmë që gëzimi ynë të na hiqet,”- thanë ato, pasi refuzuan të luajnë fundjavën e kaluar.

Në njoftimin për shtyp, sindikata e futbollit të femrave dha një listë të propozimeve, duke përfshirë një hetim të pavarur mbi sjelljen abuzive ndaj secilit trajner dhe menaxher të përgjithshëm. NWSLPA bëri thirrje gjithashtu për rihapjen e hetimit për Riley dhe rishikimin e ankesave për ngacmimet seksuale të shpallura nga liga të dielën e kaluar për t’u transformuar në një hetim në shkallë të plotë të të gjitha klubeve, si dhe të anëtarëve të stafit.

B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport gotham fc mana shim dhe sinead farrelly nwslpa paul riley washington spirit gotham fc mana shim dhe sinead farrelly nwslpa paul riley washington spirit