Politike

Shkarkimi i Mesitit/ Reagon Idrizi: Shpejt të sillesh si kryeministër

18 Shkurt 2019, 20:32 Nga DOSJA
Shkarkimi i Mesitit/ Reagon Idrizi: Shpejt të sillesh si kryeministër

TIRANË- Pas lajmit të shkarkimit të dy zyrtarëve të Bashkisë së Tiranës, Kozeta Mesiti dhe Sokol Hysa  nga radhët e PDIU-së, vjen edhe reagimi i kësaj force politike.(Lexo këtu)

Kryetari i PDIU-së, Shpëtim Idrizi  e quan vendim sa hakmarrës aq edhe qesharak atë të kryebashkiakut Veliaj dhe thotë se e drejta për të protestuar është e drejtë e çdo qytetari. Por, nga ana tjetër Idrizi nuk nguron t’i japë edhe një mesazh Veliajt, ku shprehet se është shumë shpejt të sillet si Kryeministër.

Reagimi i plotë i PDIU-së

Vendim hakmarrës e qesharak i Erion Velisë. E drejta për të protestuar në ditë pushimi, është e drejta e çdo qytetari që ka lindur para Lali Erit, që mendon që nënkryetaren e Bashkisë dhe një grusht të mbeturish të punësuar në bashki i ka peng… Keqardhje për 12 mijë votat dhe 3 këshilltarët e PDIU-së që e kanë mbështetur deri më sot. Bashkia është e qytetarëve dhe jo e partisë. Erion Veliaj është shpejt të sillesh si Kryeministri…!

Ditën e sotme, Partia Demokratike dhe Lëvizja Socialiste për Integrim, kanë vendosur pas mbledhjes së grupeve përkatëse parlamentare, se djegia e mandateve është rruga e vetme për përballjen me qeverinë. Ky vendim erdhi pas protestës së 16 shkurtit, ndërsa opozita tha se pjesëmarrja masive e qytetarëve dhe vendosmëria e tyre kundër qeverisë, u diktoi atyre djegien e mandateve.

(a.m/dosja.al)

 

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike erjon veliaj kozeta mesiti pdiu protesta e opozites shpetim idrizi erjon veliaj kozeta mesiti pdiu protesta e opozites shpetim idrizi

Sondazh

Poll