Bota

Zjarret në Kosovë, situata e qëndrueshme, 9 vatra aktive më të rrezikuara janë Bjeshkët e Namuna  

5 Gusht 2021, 16:40 Nga DOSJA
Zjarret në Kosovë, situata e qëndrueshme, 9 vatra aktive më

KOSOVË- Nga 473 vatra zjarri përgjatë 7 ditëve vetëm 9 vatra zjarri janë aktive në Kosovë. Gazeta Ekspress zona me e prekur në Kosovë nga zjarret është parku nacional i ‘Bjeshkëve të Nemuna’, ku erërat e forta dhe terreni i vështirë kanë vështirësuar punën e zjarrfikësve në këtë zonë. Gjithashtu si zona të rrezikuara nga zjarret janë edhe komuna e Suharekës dhe Prizrenit, të cilat kanë ende disa vatra zjarri aktive. Në Suharekë bëhet me dije se nga zjarret janë disa shtëpi të shkrumbuara. 

Ndërkohë që Agjencia e Menaxhimit Emergjent në Kosovë ka njoftuar se situata nga zjarret në vend është e menaxhueshme, duke shtuar se në gadishmëri për shuarjen e flakëve janë vendosur 2 helikopterë përveç forcave nga toka.  

Njoftimi i plotë:

Agjencia e Menaxhimit Emergjent e Ministrisë së Punëve të Brendshme njofton se nga raportet e sistemit të komunikimit emergjent – QOE (Qendrat Operative Emergjente) 112 (numri unik emergjent) të arritura në Qendrën Operative të Agjencisë në 24 orët e fundit, gjendja në terren paraqitet e menaxhueshme nga strukturat operative për zjarrfikje dhe shpëtim në të gjitha komunat e Kosovës.

Numri i zjarreve në tërë territorin e vendit është në rënie, ndërsa kërcënim serioz ende mbetet zjarri i shpërfaqur nga data 29 korrik 2021 në parkun nacional Bjeshkët e Nemuna lokacioni Shtupeq, ku intervenimet janë duke vazhduar pa ndërprerë nga i gjithë kapaciteti vendor, por rrethanat e motit dhe terreni rëndë i pa përshtatshëm ka vështirësuar dhe jo rrallë herë ka pamundësuar reagimin nga toka.

Si rrjedhojë e kësaj , Agjencia e Menaxhimit Emergjent (AME) në koordinim me Qendrën Operative të Ministrisë se Punëve te Brendshme ka kërkuar përkrahje nga ajri prej KFOR-it dhe si rezultat i këtij bashkëpunimi janë vënë në dispozicion për mbështetje nga ajri dy (2) helikopter për reagim me mundësi edhe për të tretin ( 3) . Situata në parkun nacional Bjeshkët e Nemuna për momentin është e rënduar shkaku i erërave të forta të cilat pamundësojnë ndërhyrjen me kapacitete nga toka.

Në rajonet tjera të Kosovës situata është relativisht e stabilizuar falë angazhimit 24/7 nga njësitë profesionale të zjarrfikjes dhe shpëtimit, kapacitetit dhe përkrahjes nga FSK, PK, KFOR nga ajri, rojeve të pyjeve dhe parqeve nacionale, vullnetarëve dhe sektorit privat në më shumë se 473 vatra zjarri në gjithë territorin e vendit në 7 ditët e kaluara , dhe me mbi 600 intervenime në zjarre të intensitetit dhe përmasave të ndryshme fushore dhe malore. Aktualisht janë 9 vatra aktive ku përveç zonës së bjeshkëve të Rugovës, rrezik paraqitet edhe për komunën e Suharekës dhe Prizrenit me vatra të reja zjarri.

Si pasojë e reagimit të njësive profesionale të zjarrfikës dhe shpëtimit (NJPZSH) është raportuar për disa lëndime trupore të zjarrfikësve por fatmirësisht jo me rrezik për jetë. Agjencia e Menaxhimit Emergjent apelon te të gjithë qytetarët e Republikës së Kosovës për kujdes të shtuar në periudha të ngritjeve të temperaturave, të shmangin ndezjen e zjarreve ( pa kontroll të rreptë ), dhe të raportojnë zjarret sa më shpejtë në numrin unik emergjent- 112 pa pagesë.

LAJMI KRYESOR: Europa Jugore nën PUSHTETIN e zjarrit! Shkrumbohen pyjet e Turqisë, Italisë e Greqisë, mjekët ngrejnë alarmin për ndotjen e ajrit

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

rajoni rajoni zjarret ne kosove zjarret ne kosove

Sondazh

Poll

MË SHUMË