SHKUP- Tri liderët e Serbisë, Shqipërisë dhe Maqedonisë së Veriut e kanë shfrytëzuar konferencën e sotme për shtyp për të kërkuar nga vendet e tjera të rajonit që ti bashkohen nismës. Gjatë konferencës, Vuçiç u shpreh i bindur se do realizohet nisma pasi ka vullnet, ndërsa Zaev tha se do të arrihet objektivi për 100% tregti të lirë. Ndërsa kryeministri shqiptar, Edi Rama tha se shumica e mallrave hyjnë në rajon nga Selaniku, ku nuk harroi të thoshte “medet”.
Pjesë nga diskutimi:
Aleksandër Vuçiç: Kemi punë të gjata përpara. Ideja është që nëse nuk lejon diçka që është ndryshe, atëherë nuk mund të bësh përpara. Administratat tona janë gati për të ndjekur nismën. Jam besimplotë që me punë dhe zell do t’ja dalim.
Zoran Zaev: Bie dakord plotësisht. Objektivi ynë të kemi zero pengesa doganore. Në këto rrethana, askush në asnjë prej vendeve, s’mund të vendosë barriera dhe tarifa të tjera. Objektivi ynë është tregti 100% e lirë, bashkëpunim i plotë pa tarifa doganore, lëvizje e qytetarëve dhe kapitaleve. Kudo në këto tri vende dhe si një rajon i përbashkët do të hapim perspektiva të reja me pjesën tjetër të Evropës. Do të them të njëjtën gjë si Vuçiç dhe Rama, kjo mund të ndihmojë politikisht. Herën e parë s’thua gjë, të dytën thua diçka dhe të tretën do kesh patjetër diçka.
Edi Rama: Një kamion me mallra për të hyrë në rajonin tonë pret njëherë matanë 10 orë dhe i duhen aq herë 10 për të shkuar në destinacion brenda për brenda rajonit. Ne s’kemi asnjë të drejtë që t’ja kursejmë sipërmarrësve tanë këtë torturë duke e çuar në zero kohën e qëndrimit në kufi. Duke njësuar sipas standarteve të BE, certifikatat e BE dhe të tjera të nevojshme për lëvizjen pa ndalim nëpër kufij, ne krijojmë një zonë që do të donim të ishte e 6 vendeve dhe kështu do të jetë një ditë, që së bashku i kërkojnë BE, që për mallrat të heqin orët e pritjes edhe kur hyjnë në Evropë, edhe kur dalin nga Evropa. Nëse standartet nuk janë të njohura nga të gjitha vendet, pavarësisht nga laboratori, ne ngelemi prapë të izoluar. A thua s’na mjafton kufiri i BE por na duhen dhe këta kufijtë qesharakë që kemi me njëri-tjetrin dhe torturojmë njerëzit tanë. Sot, volumi i mallrave, përjashto Shqipërinë, vijnë nga Selaniku, medet, nga më larg. Transformimi i rajonit është domosdoshmëri. Se thonë ca, Serbia mori me paqe detin që se mori dot me luftë. E kuptoni ju apo jo? Të tjerët do e kuptojnë pasi të shohin rezultatet.
(F.g/dosja.al)
Iftar dhe politikë, a u prek Muaji i Ramazanit nga politikanët?
SHBA– Google dhe Facebook të Mërkurën u bënë dy nga kompanitë e para kryesore për të thënë se do të kërkojnë që punonjësit të vaksinohen kur të kthehen në...
SHKUP– Kryeministri Edi Rama deklaroi sot se nisma për Ballkanin e Hapur është më e madhe se çështja e dialogut mes Kosovës dhe Serbisë. Kryeministri dek...
TURQI– Të paktën tre vetë kanë humbur jetën dhe dhjetëra të tjerë janë shtruar në spital nv Turqinë jugore pasi erërat e forta ndezën dy vatra zjarresh.Si...
SHBA– Një polic në Kolorado të SHBA-ve është arrestuar pasi u filmua duke kërcënuar se do të vriste një burrë gjatë një arrestimi.Pamjet e kamerave të tru...
VJENË-“Unaza” e drogës e përbërë nga 24 persona nga Shqipëria dhe Kosova, është ‘godituar’ nga policia autriake ditën e djeshme duke sekuestruar drogë dhe ...
BRITANI– Të gjithë sytë ishin kthyer nga kryeministri i Mbretërisë së Bashkuar, Boris Johnson i cili ishte në një ‘betejë serioze’ me çadrën e tij.Sipas ...
SERBI-Kryeministrja e Serbisë, Ana Brnabiç ka dhënë një intervistë për median Najzena.rs ku ka treguar për jetën e saj private dhe pasionet e saj. Ajo ka...
GREQI- Flakët e zjarrit që kanë pushtuar zonën e Akaisë në Greqi vijojnë të mbeten aktive edhe pse zjarëfikësit nuk kanë pushuar gjatë gjithë natës në tentativë...