TIRANË– Florenc Çapja, 40-vjeçari të cilin Shqipëria e kërkon për vrasjen e babë e bir, Nezir dhe Gentian Beqiri, ngjarje e ndodhur në Elbasan në vitin 2012, qarkullon prej gjashtë ditësh si një qytetar i lirë në Emiratet e Bashkuara. Kur ka kaluar një muaj nga shoqërimi i tij në policinë e Dubait, mësohet se Çapja ka fituar tërësisht lirinë që prej datës 12 korrik dhe madje rezulton i punësuar.
Avokati i tij mbrojtës, Neshat Fana deklaroi për ‘BalkanWeb’ se Florenc Çapja ka qëndruar për një periudhë kohe nën mbikëqyrje në një banesë në Dubai, por tashmë është lënë i lirë. Çapja pretendon sipas një e-maili dërguar Gjykatës Kundër Korrupsionit dhe Krimit të Organizuar se nuk ka marrë asnjë dijeni për procesin që po zhvillohet ndaj tij në Shqipëri dhe se për këtë arsye autoritetet në Emiratet e Bashkuara e kanë lënë të lirë.
Çapja ishte shpallur në kërkim ndërkombëtar, pasi akuzohet se është porositësi dhe organizatori i vrasjes së Nezir dhe Gentian Beqirit. Ndërkohë që në burg për vrasjen e dyfishtë, në pritje të përfundimit të hetimeve, është xhaxhai i tij, Ardian Çapja. Për Florencin, Gjykata në Shqipëri ka vendosur masën e sigurisë “arrest me burg”, në mungesë.
Emri i Ardian dhe Florenc Çapjas në lidhje me vrasjen e dyfishtë doli pas rrëfimit të bashkëpunëtorit të drejtësisë, Ervis Bardhi. Ky i fundit ka deklaruar se Ardian dhe Florenc Çapja kanë financuar vrasjen e Gentian Beqirit për t’u hakmarrë për vrasjen e Sokol Çapjas. Bardhi tregoi gjithashtu se ka takuar Ardjan dhe Florenc Çapjan në zonën e Krrabës, ku prezent kanë qenë edhe Olsi Leku, Etjen Cani dhe Klajdi Dokoli, duke shtuar se të gjthë kanë dijeni për ngjarjen.
(f.m/dosja.al)
Iftar dhe politikë, a u prek Muaji i Ramazanit nga politikanët?
BALDUSHK– Banorët e fshatit Mustafa Koç në njësinë administrative të Baldushkut u përplasën sot me policinë bashkiake. Janë 40 familje të cilat pr...
KAKAVIJË– Pala greke në kufirin e Kakavijës ka njoftuar se të gjithë personat të cilët duan të kalojnë nga kjo pikë kufitare duhet të kenë me vete fo...
TIRANË– Varianti “Delta” ka hyrë zyrtarisht edhe në Shqipëri! Drejtori i Urgjencës Kombëtare, Skënder Brataj në një prononcim për “ABC” k...
KAVAJË– 31-vjeçarja nga Kavaja, Suela Kapidani është arrestuar nga Policia e Shtetit pasi akuzohet se u ka marrë qytetarëve 10 mijë euro, duke masht...
TIRANË– Babai i foshnjes që ndërroi jetë në orët e para të mëngjesit në maternitetin në Tiranë, ka kallëzuar mjekët në Komisariatin Nr.1. 26-vjeçari...
TIRANË– Disa persona janë arrestuar gjatë 24 orë në Tiranë, të cilët akuzohen për vepra të ndryshme penale. Një 42-vjeçar A.K., ka rënë në pra...
TIRANË– Operacioni “Xhamlliku” dështoi! Gazetari i ‘Report Tv’, Arsen Rusta ka bërë me dije të tjera detaje lidhur me ç...