ITALI – Përtej thashethemeve, përtej dyshimeve për Londrën, një qytet ku mund të jetë e lehtë të mos ambientohesh, nëse vjen nga Brazili dhe më pas nga Napoli. Përtej lodhjes, duke marrë parasysh që do ta mbyllë sezonin me 56 ndeshje. Përtej gjithë kësaj, Italia është fort në duart, këmbët dhe kokën e “profesor” Jorginho.
Pas fitimit të Champions League, ai bëri disa ditë pushime, të dhëna nga Mancini, të cilat i kaloi në Londër. Atje fjeti, shkoi për të ngrënë në restorantin e preferuar, ku iu dha një tas i madh me makarona, të preferuarat e tij, luajti pak me fëmijët dhe e “hoqi prizën” për t’i rikarikuar bateritë. Sepse, kur u paraqit në “Coverciano”, ata që e panë të thonë: Ishte i freskët fizikisht. “La Gazzetta dello Sport” i ka kushtuar një shkrim thuajse biografik trurit të lojës së kombëtares italiane, të cilit i kanë vënë nofkën “profesori”.
Super mamaja e tij – Në jetën e Jorginhos, futbolli ka qenë gjithmonë përparësi, edhe kur përfundoi në qendër të thashethemeve tij në krizë me Natalia (nëna e dy fëmijëve të parë), flirtin e pretenduar me një përkthyese të Chelsea dhe historinë me Catherine Harding, ish-aktore, nëna e fëmijës së tij të tretë. Për momentin duket se të dy janë bashkë. Ajo ishte në stadium së fundi, gjithashtu duket se marrëdhëniet me Natalia janë të shkëlqyera (ajo gjithashtu e ndjek gjithmonë në stadium). Në çdo rast, përtej thashethemeve, ka një grua thelbësore në jetën dhe karrierën e Jorginhos, me këmbë të arta dhe mendje akulli, siç dëshmohet nga penalltia e shënuar kundër Spanjës: nëna! Zonja Maria Tereza, më 1991, e cila mbeti shtatzënë në pranverë, i premtoi vetes, si një ish-futbolliste amatore, se nëse fëmija lindte djalë, do të bënte gjithçka për t’ia kaluar pasionin e saj për futbollin. Mbase ajo nuk e imagjinonte se djali do të bëhej një nga mesfushorët më të fortë dhe më të mirë në Europë.
Arritja në manastir – Pas divorcit, me shumë pak para në xhep, Jorginho dhe nëna u larguan nga Brazili për t’u bashkuar me gjyshërit e tyre në Itali, në Verona, zonën përreth. Ishte ajo që i bleu topin, këpucët e para të futbollit dhe gjithashtu i mësoi bazat e para të këtij sporti. Kur Verona i gjeti një vend strehimi në një manastir (“ishim gjashtë veta në një dhomë, qëndruam atje për një vit e gjysmë dhe na paguanin 20 euro në javë. Murgjit na trajtuan shumë mirë, ata ishin gjithmonë shumë të respektueshëm. Ushqimi ishte i shkëlqyeshëm”), në fillim rezistoi, por më pas një krizë e shtyu të linte gjithçka. Nëna e tij përsëri ndërhyri dhe e bindi kështu: “Nëse largohesh, nuk do të kthehesh në shtëpi. Ju duhet të rezistoni”. Dhe djali ia dëgjoi fjalën.
Super profesionist – Mamaja kishte të drejtë, duke pasur parasysh faktet dhe rezultatet. Ajo pa se si Jorghinho, tani në Londër, kujdeset me fiksim për karrierën e tij. Njohja e Sarrit ishte shumë e rëndësishme për të, i cili e mësoi të kujdeset për trupin, gjithashtu të kishte vëmendje të veçantë për të ushqyerit, pasi Jorginho është një adhurues i makaronave dhe picave. Sot e di se si ta menaxhojë veten shumë mirë dhe gjithmonë, nëna e tij, e njëjta nënë që në një video u bë virale, tejet e prekur kur pa fanellën e djalit të saj në dyqanin e Chelsea, i mësoi rëndësinë e trajnimit gjithmonë. Si fëmijë u stërvit në rërë (“aty përmirësoi qëndrueshmërinë dhe ekuilibrin”), tani në terrenet e bukura të trajnimit të Chelsea, në Londër. Një Londër, ku Jorghinho ka jetuar prej tri vitesh dhe që tashmë i ka hyrë në zemër. E kush e di që e diela në mbrëmje nuk do të bëhet edhe më e veçantë për të…
Moda – Mes futbollit dhe ushqimit të mirë, një pasion tjetër për të është ai i modës. Veshja me “Dolce Gabbana” është primare për Jorginho. Ai ka një pasion për markat italiane, por nuk ka stil të çuditshëm, mjaft klasik dhe të sofistikuar, me disa përjashtime. Profesor, edhe në vështrim, edhe në futboll…
B.T (Dosja.al)
Iftar dhe politikë, a u prek Muaji i Ramazanit nga politikanët?
ITALI-Alarm për Covid-19 në Coverciano. Përfaqësuesja e Italisë është izoluara dy ditë para finales Itali-Angli për shkak të pozitivitetit të tre gazetarëve mid...
BRAZIL – Nëse në Europë është gati koha për finalen e “Euro2020” edhe në Amerikën e Jugut gjërat nuk janë shumë ndryshe me finalen e “Copa America”. Ajo ë...
ANGLI – Përmes Twitter, ish-lojtari i madh anglez Gary Lineker, njëherësh opinionist i “Euro2020” u ka bërë një thirrje bashkatdhetarëve të tij: “Në...
ITALI – Marrëveshja është arritur për Olivier Giroud. Vetëm vizitat mjekësore dhe nënshkrimet mungojnë (planifikuar për të hënën e ardhshme). Chelsea do t...
ITALI – José Mourinho u prezantua si trajneri i ri i Romës dje. Një konferencë shtypi e pritur, në të cilën ‘Special One’, pasi falenderoi drejtuesit e kl...
SPANJE – Diego Pablo Simeone ka rinovuar kontratën dhe do të qëndrojë deri më 2024-tën në krye të pankinës së Atletico Madridit. Kuptohet, që në këtë rinovim të...
BOSNJE-Vllaznia e nis ters Conference League. Skuadra shkodrane është mposhtur 1-3 në Bosnje Hercegovinë nga Siroki Brijeg, në një ndeshje mjaft të luftuar dhe ...
GJERMANI-Erling Haaland është objektivi kryesor i Chelsea-t në merkato. Sulmuesi norvegjez zhvilloi një sezon të jashtëzakonshëm me Borussia Dortmund.20-vje&cce...
ELBASAN- Ka nisur në mënyrën më të mirë aventura e Partizanit në Conference League. Të kuqtë fitojnë 5-2 ndaj kundërshtarit moldav Sfintul Gheorghe. Takimi zhvi...
ANGLI-“Ne e donim shumë njëri-tjetrin … por çfarë rëndësie ka?” Nga Anglia vjen një histori shumë interesante: protagonisti e ka emrin Russell Gibbs. Kus...
