KOSOVË- Presidenca në Kosovë ka zbardhur takimin mes Presidentes Vjosa Osmani dhe të dërguarit të BE-së për dialogun Kosovë-Serbi Miroslav Lajçak dhe të dërguarit të SHBA-së për Ballkanin Perëndimor, Matthew Palmer. Në njoftimin e Presidencës thuhet se, Osmani deklaroi se momentalisht janë të fokusuar në menaxhimin e pandemisë së Covid, si dhe se ka falenduaruar BE-në dhe SHBA-në për ndihmën që ata i kanë dhënë Kosovës në periudhat më të vështira. Osmani gjithashtu kërkoi nga Palmer që SHBA-ja të shpërndajë vaksina në Kosovë, siç ka bërë edhe BE-ja.
Në lidhje me dialogun Kosovë-Serbi, Osmani ka thënë se Beogradi duhet që të njohë Kosovën si shtet dhe se duhet që të marrë përgjegjësi mbi personat nga Kosova që janë zhdukur dhe vrarë nga forcat serbe.
Njoftimi i plotë i Presidencës:
Presidentja Osmani takohet me Palmer dhe Lajčák. Presidentja e Republikës së Kosovës, Vjosa Osmani-Sadriu sot pati një takim përmbajtësor me zëvendës-ndihmës sekretarin e shtetit amerikan, z. Matthew Palmer dhe të dërguarin e Bashkimit Evropian për dialogun, z. Miroslav Lajčák.
Në takim me ta, Presidentja Osmani theksoi se institucionet e Kosovës janë të përqëndruara maksimalisht në menaxhimin e pandemisë, zbatimin e reformave në fushën e sundimit të ligjit dhe zhvillimin ekonomik të vendit, si prioritete themelore të institucioneve të vendit.
Ajo po kështu i falënderoi Shtetet e Bashkuara të Amerikës dhe BE-në për përkrahjen që u kanë dhënë qytetarëve të Kosovës në këtë kohë të vështirë për të gjithë ne. Ajo shprehu mirënjohjen ndaj Bashkimit Evropian për donacionin e vaksinave, dhe shprehu shpresën se edhe SHBA-të do të ndajnë një numër të vaksinave për qytetarët tanë.
Sa i takon procesit të dialogut me Serbinë, Presidentja ritheksoi qëndrimin e institucioneve se Kosova pret që procesi i dialogut të përfundojë me njohjen e ndërsjellë mes dy vendeve. Ajo ripërsëriti qëndrimin se për Kosovën mbetet thelbësore që në këtë proces të respektohen plotësisht integriteti territorial, rregullimi i brendshëm kushtetues dhe shtetëror, si dhe funksionaliteti i vendit. Për më tepër, Presidentja theksoi çështjen e personave të zhdukur dhunshëm gjatë luftës së fundit në Kosovë, si prioritet në këtë proces.
“Ne presim që procesi të përfundojë me njohjen reciproke, duke i respektuar këto parime dhe që marrëveshja të jetë plotësisht e zbatueshme,” nënvizoi Presidentja Osmani.
(I.A/dosja.al)
Iftar dhe politikë, a u prek Muaji i Ramazanit nga politikanët?
SHBA– Amerika përveç se “strehon” një numër të madh shqiptarësh të cilët tashmë janë edhe të njohur në shumë fusha të artit, muzikës, bizneseve, mb...
KOSOVË- Përfaqësuesit e Listës Serbe në Kosovë Goran Rakiç, Dalibor Jevtiç dhe Igor Simiç janë takuar ditën e sotme me të dërguarin e ...
ITALI– Nicolas Escobar, nipi i shefit të padiskutueshëm, kolumbianit që u kthye në një nga njerëzit më të fuqishëm në peradorinë e drogës, Pablo Escobar, ...
MAQEDONI I VERIUT- Maqedonia e Veriut do të lehtësojë masat anti-Covid për qytetarët duke filluar nga dita e nesërme. Alsat.mk shkruan se nga 1 qershori, në Maq...
BOSNJE-HERCEGOVINË– Një gjykatë në Bosnje e Hercegovinë dënoi ish-ministrin e Sigurimit, Sadik Ahmetoviç, me gjashtë muaj burgim, për shkak të...
Një grup partish politike në Izrael, të cilat kërkojnë të largojnë nga pushteti kryeministrin Benjamin Netanyahu, zhvilluan të hënën një takim për të bërë marrë...
GREQI-Një ngjarje e rëndë ka ndodhur në Greqi ku një 16-vjeçare ka kallëzuar një rast në polici ku kanë tentuar ta grabisin në Selanik.Protothema raporto...
LITUANI- Lituania ka krijuar disa portale në qytetet e saj për të bërë të mundur sado pak afrimin e njerëzve me njëri-tjetrin. Theverge shkruan se qyteti i Litu...
SHBA- 1 e 3-ta e vdekjeve në botë që janë të lidhura me nxehtësinë kanë të bëjnë me ngrohjen globale të shkaktuar nga vetë njerëzit. The Guardian shkruan se një...
KOSOVË– Kryetari i Kuvendit të Kosovës, ka refuzuar të flaës ditën e sotme pas mbledhjes së kryesisë, duke shmangur prononcimin para mediave.Teksa gazetarë...