TIRANË– Kolegji Zgjedhor ka rrëzuar kërkesën e Partisë Demokratike dhe Lëvizjes Socialiste për Integrim lidhur me shkeljet e pretenduara në procesin zgjedhor të qarkut Gjirokastër. Gjatë seancës së sotme, përfaqësuesi ligjor i PD, Ivi Kaso pretendoi se kishte ndërhyrje nga qeveria në zgjedhjet e 25 prillit, duke kërkuar sinjal “jeshil” për të thelluar hetimet në atë që e cilësoi si “masakër zgjedhor”. Partia Demokratike tha se ka dorëzuar në këtë Kolegj një dosje me 600 faqe dhe mbi 400 prova shkresore, me foto e video të shit-blerjes së votave. Ivi Kaso pretendoi se karantinimi i emigrantëve, vendimet e qeverisë për rritje pagash dhe trysnia e ushtruar nga grupe kriminale kanë ndikuar në votën e qytetareve. Të njëjtat pretendime ka parashtruar edhe LSI. Ndërsa kandidati i pavarur Kreshnik Merxhani, duke iu referuar pamjeve filmike të publikuara në media, u shpreh se dallohej ndërhyrja me stilolaps në fletët e votimit, të cilën e ka konsideruar si shkelje. Ai, si Kaso dhe Altin Kaziaj i LSI-së, kërkoi shpalljen e pavlefshme të zgjedhjeve në Gjirokastër dhe përsëritjen e tyre.
Ndërkohë përfaqësuesi i Partisë Socialiste, Eridian Salianji ka hedhur poshtë akuzat e ngritura nga kolegu i PD-së në mbledhjen e sotme të Kolegjit Zgjedhor. Në fjalën e tij për gjykimin e procesit në qarkun e Gjirokastrës, Salianji u shpreh se ankuesit nuk kanë sjellë fakte konkrete për të mbështetur pretendimet e tyre.
Kërkesa e PD-së për të marrë më shumë fakte lidhur me shkeljet u refuzua nga Komisioni i Ankesave dhe Sanksioneve në Komisionin Qendror të Zgjedhjeve. Duke iu përmbajtur parashikimit në ligj, PD ankimoi vendimin brenda 5 ditësh në Kolegjin Zgjedhor duke kërkuar hetim më të thelluar, ndërkohë që sot pritet të depozitojë ankimimin edhe për qarkun e Durrësit dhe të Shkodrës. Për të gjithë qarqet në Komisionin e Ankesave dhe Sanksioneve, përfaqësuesit e opozitës kanë kërkuar rinumërim të fletëve të votimit në Berat dhe Durrës, ku mandati ndahej për pak vota; dhe shpalljen e paligjshmërsë së zgjedhjeve.
(k.m/a.b/dosja.al)
Iftar dhe politikë, a u prek Muaji i Ramazanit nga politikanët?
SHBA– Publicisti amerikan Peter Lucas, një njohës i mirë i historisë së Shqipërisë, i ka kushtuar një shkrim shpalljes “non grata” të ish-kryeministrit Sali Ber...
TIRANË– Ambasadori i Bashkimit Europian në Tiranë, Luigi Soreca ka deklaruar se Shqipëria i ka plotësuar të gjitha kushtet për të nisur procedurat e pranim...
TIRANË– Përfaqësuesi ligjor i Partisë Demokratike, Marash Logu shkruan se beteja që nis nesër, është një test për Kolegjin Zgjedhor, në mënyrë që ky i fund...
GJIROKASTËR– Bujar Nishani e ka konsideruar 13 qershorin një datë për të kthyer normalitetin në Partinë Demokratike dhe jo një përplasje inati. I pranishëm...
GJIROKASTËR– Kandidatja për kryetare e Partisë Demokratike, Edith Harxhi ka denoncuar publikisht se kryedemokrati Lulzim Basha po mban peng listën e anëtar...
TIRANË– Anëtarët e “Grupit për PD-në”, Bujar Nishani, Edith Harxhi e cila kandidon dhe për postin e kryetarit të kësaj partie dhe Edvin Kulluri kanë ...
TIRANË– Zëvendës kryeministri Erion Braçe ka denoncuar tregtimin e daterit dhe servirjen e tij në ristorante peshku, në një kohë që është e ndaluar ...
KUKËS– Kryedemokrati Lulzim Basha ishte sot në Kukës dhe Has ku kërkoi mbështetjen e demokratëve të kësaj zone. Basha e konsideroi 25 prillin e vitit 2021 ...