TIRANË– Përfaqësuesi ligjor i Partisë Demokratike, Marash Logu shkruan se beteja që nis nesër, është një test për Kolegjin Zgjedhor, në mënyrë që ky i fundit të tregojë nëse është një vegël në duart e kryeministrit Edi Rama apo është i pavarur. Në një status në Fcebook, Logu ka renditur të gjithë pretendimet e PD-së për vjedhjen e votave në zgjedhjet e 25 prillit.
Sipas Logut, vota është blerë në mënyrë masive nga persona me rekorde të tmerrshme kriminale, janë dhënë leje legalizimi, janë punësuar njerëz në administratë, janë dhënë paga shtesë, ndihmë ekonomike dhe pagesa për tërmetin.
Statusi i plotë:
Prej tre javësh qytetarët shqiptarë kanë dëshmuar me zë e figurë nga salla e Komisionit të Ankimeve dhe Sanksioneve faktet e pakundërshtueshme të masakrës zgjedhore të 25 prillit:
❌ Blerje masive e votës nëpërmjet individëve me rekorde të tmerrshme kriminale
❌ +10.003 leje legalizimi
❌ +13.000 punonjës të rinj në administratë qëndrore
❌ 63 milionë euro paga shtesë
❌ 2.5 milionë euro ndihma ekonomike
❌ 1.9 milionë euro “paga lufte”
❌ 125 milionë euro pagesa për tërmetin
❌ 500% më shumë tendera publikë se mesatarja e 5 viteve të fundit
❌ 83 mijë fletë votimi të pavlefshme
❌ 523 mijë qytetarë pa të drejtë vote
❌ 910 mijë vjedhje të të dhënave personale.
Për vërtetimin e secilit prej këtyre fakteve, Partia Demokratike vendosi në dispozicion të KAS mbi 600 faqe shpjegime dhe 450 prova shkresore, foto dhe video. Por, fatkeqësisht tre noterët e masakrës zgjedhore vendosën të sillen si shërbëtorë të Edi Ramës, në vend të zbatimit të ligjit. Ata mbyllën sytë para qindra fakteve e provave, dhe refuzuan paligjshmërisht 171 kërkesa për transparencë të plotë mbi masakrën elektorale të 25 prillit. Megjithatë, pas dorëzimit të 5 padive të para, nga nesër vazhdojmë betejën në Kolegjin Zgjedhor.
Nesër i takon Kolegjit të vendosë nëse do të jetë në anën e ligjit, duke pranuar provat tona dhe marrë çdo provë të kërkuar për të vërtetuar plotësisht masakrën zgjedhore të 25 prillit, apo do të vazhdojë historinë e vendimeve si ai i fletëve të votimit që bëri nul vullnetin e 83 mijë shqiptarëve. Në çdo rast, ne i qëndrojmë besnik angazhimit tonë solemn para të gjithë shqiptarëve: beteja do të vazhdojë në çdo front, me të gjitha mjetet dhe mundësitë që ekzistojnë. Sepse kjo nuk është betejë as për anëtarët e KAS-it, as për gjyqtarët e Kolegjit, madje as për partitë politike, por për gjithë qytetarët shqiptarë, të cilët janë viktimat e vërteta të 25 prillit.
Kolegji Zgjedhor do të nisë nesër shqyrtimin e ankimimeve të partive politike për zgjedhjet e 25 prillit. E para që do të kalojë nën ‘filtrin’ e organit më të lartë të shqyrtimit të çështjeve zgjedhore është Gjirokastra. Po nesër, Komisioni i Ankimimeve dhe Sanksioneve do të japë vendimet për 3 qarqet e fundit: Elbasanin, Fierin dhe Korçën.
(f.m/Dosja.al)
Iftar dhe politikë, a u prek Muaji i Ramazanit nga politikanët?
GJIROKASTËR– Bujar Nishani e ka konsideruar 13 qershorin një datë për të kthyer normalitetin në Partinë Demokratike dhe jo një përplasje inati. I pranishëm...
GJIROKASTËR– Kandidatja për kryetare e Partisë Demokratike, Edith Harxhi ka denoncuar publikisht se kryedemokrati Lulzim Basha po mban peng listën e anëtar...
TIRANË– Anëtarët e “Grupit për PD-në”, Bujar Nishani, Edith Harxhi e cila kandidon dhe për postin e kryetarit të kësaj partie dhe Edvin Kulluri kanë ...
TIRANË– Zëvendës kryeministri Erion Braçe ka denoncuar tregtimin e daterit dhe servirjen e tij në ristorante peshku, në një kohë që është e ndaluar ...
KUKËS– Kryedemokrati Lulzim Basha ishte sot në Kukës dhe Has ku kërkoi mbështetjen e demokratëve të kësaj zone. Basha e konsideroi 25 prillin e vitit 2021 ...
TIRANË– Gazetari investigativ Artan Hoxha s’e ka kursyer ironinë pasi vizatimi i kryeministrit Edi Rama ku shihej shqiponja dykrenare, u bë viral në ...
TIRANË– Zëdhënësja e Partisë Demokratike, Ina Zhupa me anë të një postimi të bërë në ‘Facebook’, shkruan se punimet e Bypassit në Vlorë d...
TIRANË– Një denoncim është bërë publike ditën e sotme nga ish-kryeministri Sali Berisha. Ai shkruan se i ka mbërritur një lajm se në Librazhd, një ba...