TIRANË– Anëtarët e “Grupit për PD-në”, Bujar Nishani, Edith Harxhi e cila kandidon dhe për postin e kryetarit të kësaj partie dhe Edvin Kulluri kanë zhvilluar sot një takim me demokratët e Gjirokastrës. I pari foli Bujar Nishani, i cili e ka konsideruar 13 qershorin një datë për të kthyer normalitetin në Partinë Demokratike dhe jo një përplasje inati. Nishani tha se “Grupi për PD-në” po përgatitet për betejën e vitit 2025 dhe për ndryshimin që Shqipëria nuk e pa dot pas 25 prillit të këtij viti.
“Nuk mund të qëndrojmë pjesë e mbytjes në këtë moçal. Për fatin e keq jo vetëm të demokratëve, jo vetëm të atyre që u angazhuan në këtë fushatë pavarësisht hamendësimeve politike, tifozllëkut, 25-prilli nuk solli asnjë ndryshim, ndërkohë që të gjithë e prisnin atë. Ndryshimi pritej të udhëhiqej nga Partia Demokratike, e cila ishte e faktuar si forcë politike. Shqipëria s’pati asnjë mundësi për të filluar ndryshimin pas 25 prillit. Po projektojmë betejën e rradhës për vitin 2025. Bota mund të jetë shumë herë më ndryshe se sot,”– tha Nishani.
Nishani shtoi më tej se është ndjerë i lënduar sepse Basha më shumë se kushdo e dinte që ai iku nga detyra e Presidentit për tu angazhuar në PD. Ai tha se ia ka bërë të qartë Bashës se nuk është për karrige e se fytyrën e faqen e tij nuk ia jep të birit, e jo më kryedemokratit.
Nga ana tjetër, kandidatja për kryetare e Partisë Demokratike, Edith Harxhi ka denoncuar publikisht se kryedemokrati Lulzim Basha po mban peng listën e anëtarësisë. E pranishme në Gjirokastër, Harxhi tha se ka një javë që serveri i listave të votuesve të PD-së për zgjedhjet e 13 qershorit është i bllokuar dhe asnjë nga degët nuk mund të zbresë dhe të marrë listën. Ajo tha se PD-ja është marrë peng nga Basha dhe se kjo gjë duhet të marrë fund sa më shpejt në mënyrë që të mos përfundojnë si LDK-ja e Kosovës.
Gjatë mbledhjes pati dhe debate. Një nga demokratët e Gjirokastrës është ngritur në këmbë gjatë takimit me anëtarët e Grupit për PD-në dhe ka kërkuar llogari prej tyre. Ai është shprehur se në lagjen e shtëpinë e tij nuk ka shkuar asnjë prej anëtarëve të Partisë Demokratike, pavarësisht deklaratave që thonë në media. Mirëpo, demokrati u kundërshtua nga zërat në sfond, që i thanë se PD-ja ka bërë takime e mbase nuk ka shkuar në shtëpinë e tij.
(f.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Zëvendës kryeministri Erion Braçe ka denoncuar tregtimin e daterit dhe servirjen e tij në ristorante peshku, në një kohë që është e ndaluar ...
KUKËS– Kryedemokrati Lulzim Basha ishte sot në Kukës dhe Has ku kërkoi mbështetjen e demokratëve të kësaj zone. Basha e konsideroi 25 prillin e vitit 2021 ...
TIRANË– Gazetari investigativ Artan Hoxha s’e ka kursyer ironinë pasi vizatimi i kryeministrit Edi Rama ku shihej shqiponja dykrenare, u bë viral në ...
TIRANË– Zëdhënësja e Partisë Demokratike, Ina Zhupa me anë të një postimi të bërë në ‘Facebook’, shkruan se punimet e Bypassit në Vlorë d...
TIRANË– Një denoncim është bërë publike ditën e sotme nga ish-kryeministri Sali Berisha. Ai shkruan se i ka mbërritur një lajm se në Librazhd, një ba...
DURRËS– Kreu i degës së Partisë Demokratike në Durrës, Ferdinand Xhaferaj, me anë të një postimi sqarues në ‘Facebook’, bën të ditur se do jetë në krah të ...
Aktori i humorit, Julian Deda, erdhi në një intervistë për ‘FitStation’, në News24, për familjen, projektet e reja artistike dhe angazhimi në politik. Në këtë i...
DIBËR– Lulzim Basha gjatë takimit me demokratët në Dibër u shpreh se shqiptarët anembanë Shqipërisë nuk kanë ndërmend të ngrenë duart dhe të pranojnë...
TIRANË– Ambasada Amerikane në Shqipëri, ka shpërndarë në faqen e profilit në ‘Facebook’, profilin e ambasadores Yuri Kim. Ata kanë shpalo...