Aktualitet

Xhaxhai i të miturës që u përdhunua në grup: Jemi gjak me autorët, vajzës i kanë vënë pistoletën në lule të ballit

20 Maj 2021, 11:43 Nga DOSJA
Xhaxhai i të miturës që u përdhunua në grup: Jemi gjak

LEZHË– Xhxaxhi i të miturës 15-vjeçare që u përdhunua në grup nga 5 persona në Lezhë ka rrëfyer se të akuzuarit janë gjak me 15-vjeçaren. Në një rrëfim për emisionin “Me zemër të hapur”, xhaxhai ka treguar se vajza ishte torturuar dhe kërcënuar me jetë, pasi përdhunuesit e i kishin vënë në kokë pistoletën.

“Ky rast është i pabesueshëm, sepse ne në këtë fshat, 13 breza, 400 vite që jemi vendosur këtu, nuk ka pasur asnjë lloj imoraliteti. Kur kam dëgjuar llafin për të, se në mars ka qenë 14 vjeçe, vetëm se kam qenë në divan se do e kisha përjetuar në mënyrë të jashtëzakonshme. E kanë përjetuar në mënyrë të jashtëzakonshme të gjithë. Torturat që ka pësuar nga fundi i muajit mars, të kishte qenë një grua, dhe ju si gazetare, do ishit dorëzuar. Unë e kam pyetur. Ai djali e ka marrë për shoqëri, ai 27-vjeçari. E ka marrë dhe e ka çuar tek hoteli. Janë kushërinj të dytë të tretë mor xhaxh. Kanë kërkuar me ardhur familjarët e tyre. Edhe një kushëri i tyre më ka kërkuar, por nuk kam pranuar. Nga ky moment që na u bë ky përdhunim nga këto 5 familje, është e llahtarshme. Vajzës i kanë dhënë edhe drogë. I kanë vënë pistoletën në lule të ballit. E kemi nip atë djalin. Janë të gjithë të gjakut tonë, veç një jo. Të gjitha këto instanca kanë reaguar, jam çliruar. Kam emocione, nuk mund t’i shpreh.”, tha ai.

Babai i të miturës ka rrëfyer për mediat se ngjarja e rëndë ka ndodhur më 8 mars, kur Artan Kaçorri ka shkuar dhe ka marrë 15-vjeçaren në shkollë. Sipas prindërve të vajzës, 31-vjeçari e ka marrë vajzën me zor në makinë dhe e ka droguar. Më pas ai ka kryer marrëdhënie seksuale me të, dhe e ka dërguar tek Nik Lleshi, i cili gjithashtu ka abuzuar seksualisht me të. Me anë të një videoje, ata e kanë shantazhuar vajzën e cila nga frika është detyruar të kryejë marrëdhënie seksuale me dhunë në grup.

Ka qenë e ëma e të miturës që ka dyshuar se me vajzën diçka nuk shkonte pasi i ka gjetur një telefon ilegal i cili i qe dhuruar nga autorët. Brenda telefonit gjendeshin foto e video, me të cilat ata i bënin shantazh për të kryer marrëdhënie seksuale me persona të tjerë.

Të akuzuarit  për përdhunimin në grup të adoleshentes 15-vjeçare, Artan Kaçorri 31 vjeç, Albert Molla, 27 vjeç, Ermal Tarazhi, 30 vjeç, Nike Lleshi, 44 vjeç dhe Adrian Gjikola, 17 vjeç pritet të tregojnë sot në gjykatë sesi ka ndodhur abuzimi i tyre me të miturën. 

(kle.mu./dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet perdhunohet 15-vjecarja ne lezhe perdhunohet 15-vjecarja ne lezhe

Sondazh

Poll

Aktualitet 20 Maj 2021, 10:56

TIRANË– Gjykata Kushtetuese ka dalë me një njoftim për mediat ditën e sotme, ku shprehen se po punohet me kapacitet të plotë për zgjidhjen e çështje...

MË SHUMË