Bota

15 Janar 2021, 14:29 Nga DOSJA

KOSOVË-Shefi i Zyrës së Bashkimit Evropian në Kosovë, Tomas Szunyog, ka nënshkruar ditën e sotme tri projekte me vlerë prej 11.8 milionë euro që sigurojnë mbrojtje sociale për grupet e cenueshme në Kosovë gjatë pandemisë.

Projektet do të sigurojnë mbështetje emergjente, mbrojtje sociale dhe rimëkëmbje të shpejtë socio-ekonomike për grupet më të cënueshme, veçanërisht për fëmijët dhe gratë. Këtu përfshihet një skemë e ndihmës emergjente për adresimin e nevojave bazë të 8,000 familjeve që jetojnë në varfëri, duke përfshirë familje që u përkasin grupeve të pakicave ose që nuk janë të regjistruara zyrtarisht.

Sipas tij synimi është të përmirësohet  qëndrueshmëria e politikave sociale që adresojnë pabarazitë dhe nxisin kohezionin social në planin afatmesëm dhe afatgjatë. Gjithashtu, ai ka vënë në dukje, se pandemia ka sjell një ndenjë izolimi mes individëve dhe e ka destabilizuar jetën shoqërore, duke shkaktuar shqetësime psikologjike dhe fizike.

“Sot ne shpallim fillimin e programit të rëndësishëm i cili do të kontribuojë në nxitjen e solidaritetit dhe kohezionit shoqëror në komunitetet tona, që janë tronditur kaq shumë nga efektet dramatike të pandemisë dhe ndikimi i saj në jetën e njerëzve. I njëjti solidaritet edhe për ndihmën e BE-së për Partnerët tanë të Ballkanit Perëndimor, për Kosovën, mobilizimin e shpejtë të 5 milionë euro fonde për pajisje dhe furnizime mjekësore. Shpërthimi i pandemisë u pasua nga zhvillimi i programit të ndihmës makro financiare. Gjithmonë, mbështetja e deri në 100 milion euro, e Evropës për Kosovën, ka për qëllim financat publike, punësimin e të rinjve dhe qeverisjen e mirë, me një fokus të veçantë në luftën kundër korrupsionit dhe krimit të organizuar. Një mbështetje buxhetore e financuar nga BE, prej 26 milionë euro nisi në dhjetor. Ajo quhet financa e pakos së rimëkëmbjes ekonomike e qeverisë për të zbutur ndikimin në humbjet e vendeve të punës dhe për të ndihmuar rihapjen e bizneseve”,– tha ai.

Po ashtu, Ambasadori Szunyog ka theksuar se në kohën që vaksina po bëhet e disponueshme, BE-ja po siguron qasjen e partnerëve të Ballkanit Perëndimor. Ndërkohë ai tha edhe se programi synon të ndihmojë një popullsi prej 200,000 banorësh.

“BE-ja për mbrojtjen sociale, është financiarisht më i madhi i llojit të tij në fushën e mbrojtjes sociale në Kosovë duke siguruar 11.8 milionë euro në total. Programi synon të ndihmojë një popullsi prej 200,000 banorësh, dhe përfshin një skemë mbështetje emergjente për të adresuar nevojat themelore të 8,000 familjeve që jetojnë në varfëri, përfshirë ato që u përkasin grupeve të pakicave ose që nuk janë të regjistruara zyrtarisht

“Më lejoni të theksoj se pas kësaj krize adresimi i pabarazive sociale në Kosovë duhet të jetë një përparësi në agjendën politike pas zgjedhjeve, dhe se përpjekjet serioze institucionale, janë të nevojshme për të luftuar varfërinë përmes politikave të Ndihmës Sociale”,– tha ai.

(k.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

rajoni rajoni kosove tomas szunyog kosove tomas szunyog

Sondazh

Poll

MË SHUMË